Elizabeth II o the Unitit Kinrick
Frae Wikipedia
|
|||
| Rign | 6 Februar 1952 tae praisent (55 year) | ||
| Crounin | 2 June 1953 | ||
| Predecessor | George VI | ||
| Heir Apparent | The Prince Charles, Duke o Rothesay | ||
| Full Name | Elizabeth Alexandra Mary[1] | ||
| Teetles | HM The Queen HRH The Duchess o Edinburrie HRH The Princess Elizabeth HRH Princess Elizabeth o York |
||
| Ryal Hoose | Hoose o Windsor | ||
| Ryal anthem | God Save the Queen | ||
| Faither | George VI | ||
| Mither | Elizabeth Bowes-Lyon | ||
| Born | 21 April 1926 (1926-04-21) (age 81) (Mayfair, London) | ||
| Bapteesed | 29 May 1926 (Buckingham Pailace) | ||
Her Maijesty Queen Elizabeth II, or Elizabeth Alexandra Mary Windsor (born 21 Aprile 1926) is the Queen an heid o state o the Unitit Kinrick o Great Breetain an Northren Ireland, an 15 ither kintras an thair dependencies. Thae kintras is Antigua an Barbuda, Australie, the Bahamas, Barbados, Belize, Canadae, Grenada, Jamaica, New Zealand, Papua New Guinea, Saunt Kitts an Nevis, Saint Lucia, Saunt Vincent an the Grenadines, the Solomon Islands, an Tuvalu.
Elizabeth II hauds mony ither poseetions, amang them Heid o the Commonweel, Supreme Governor o the Kirk o Ingland, Duke o Normandy, Laird o Mann, an Paramount Chief o Fiji. Her lang ring haes seen muckle chynges in her kinricks an the warld an aw, aiblins the maist kenspeckle is the dissolution o the Breetish Empire (a process that begoud in the hindermaist years o her faither's ring) an the evolution o the modren Commonweel o Nations.
Syne 1947, the Queen haes been wad tae Prince Philip, Duke o Edinburgh, born a prince o Greece an Denmark but efter naituralisation he wis kent as Philip Mountbatten an efter wis cried the Duke o Edinburgh. Nou the couple haes fower childer an aicht grandchilder; the aicht (Viscount Severn) wis born on 17 Dizember 2007 tae Prince Edward an Sophie, Countess o Wessex.
[edit] Scots teetles
The'r some controversy ower Elizabeths teetles an modes o address in Scotland:
- Some argies that as Scotland ne'er haed a Queen Elizabeth I, she shuid be kent as Elizabeth I in Scotland; some fowk haudin this belief haes e'en defaced or malafoustert postboxes wi the ineetials "E.R.II". Houaniver, the nummerin o monarchs is a maiter o the ryal prerogative, an it haes been decree'd that aw monarchs wi the same name as aither a Scots or English monarch sall tak the heichest nummer — in this case, Elizabeth II.
- It wis tradeetional tae cry Scots monarchs Keeng or Queen o Scots, nae o Scotland.
- It wis tradeetional forby tae address Scots monarchs as "Your Grace" raither nor "Your Maijesty" awtho it wis James VI o Scotland that brocht in "Your Maijesty" tae the exclusion o aw ithers.
This airticle's a stub. Ye can gie Wikipædia a haund bi eikin til it.
