Isabel II sa Hiniusang Gingharian
Gikan sa Wikipedia, ang gawasnong ensayklopedya
Si Isabel II (Iningles: Elizabeth II) (Elizabeth Alexandra Mary; gipanganak Abril 21 1926) mao ang rayna sa 16 ka mga independenteng estado apil ang mga teritoryo sa gawas ug dependensiya. Bisa'g egwal ug lahi iyang paghupot sa matag korona ug titulo, siya residente ug mas adunay gahom sa Hiniusang Gingharian, ang labing dugay nga ginsakopan, diin ang iyang mga kaliwat midumala sa mas daghan pa sa usa ka libo ka tuig. Misaka siya sa trono sa pito ka mga nasod niadtong Pebrero 1952 sa pagkamatay sa iyang amahan nga si Hari Jorge VI.
Si Isabel II mao usab ang rayna sa Canada, Australya, New Zealand, Jamaica, Barbados, Bahamas, Grenada, Papua New Guinea, Islas sa Solomon, Tuvalu, Saint Lucia, Saint Vincent ug ang Grenadines, Antigua ug Barbuda, Belize, ug sa Saint Kitts ug Nevis, diin siya girepresentar sa Gobernador-Heneral.
