Star Wars
Di Wikipedia, la nciclupidìa lìbbira.
Star Wars, ca 'n sicilianu voli diri guerri stillari, è na seria di pillìculi miricani fantascintìfici divisa nta dui triluggìi.
La prima niscìu tra lu 1977 e lu 1983, la secunna tra lu 1999 e lu 2004.
La prima triluggìa parra d'un carusu chiamatu Luke Skywalker (ca voli diri: "iddu ca camina ntô celu") contra lu mavvaggiu Darth Vader.
La secunna parra d'abbinimenti pricidenti â prima triluggìa.
[cancia] Li pillìculi
Chisti sunnu li nomi di tutti li pillìculi accuminciannu pi comu è la storia (dintra a parèntisi mittemu lu nomu dû sò paisi, doppu mittemu lu paisi, e doppu ancora l'annu chi niscìu la pillìcula ntô cìnima e lu paisi sò):
- Star Wars - Lu primu - La minazza di lu spirdu (Star Wars: Episode I - The Phantom Menace, USA, 1999)
- Star Wars - Lu secunnu - L'attaccu di chiddi pricisi a l'àutri (Star Wars: Episode II - Attack of the Clones, USA, 2002)
- Star Wars - Lu terzu - La vinnitta di Sith (Star Wars: Episode III - Revenge of the Sith, USA, 2005)
- Guerre Stellari - Lu quartu - Na nova spiranza (Star Wars: Episode IV - A New Hope, USA, 1977)
- Guerre Stellari - Lu quintu - Lu mperu arriturnau arrè (Star Wars: Episode V - The Empire Strikes Back, USA, 1980)
- Guerre Stellari - Lu sestu - Arriturnau lu Jedi (Star Wars: Episode VI - Return of the Jedi, USA, 1983)
Ntô nomi di lu primu film, Guerri stillari, nun ci sunnu li nomi e mancu li nùmmari di la pillìcula, e mancu nu tìtulu spicìficu: sta cosa picchì quannu fìciru lu film, puru si chiddu chi l'avìa pinzatu George Lucas sapìa nta sò testa chiddu chi avìa a fari, nun sapìa si l'àutri puru avìssiru nisciutu tutti. Doppu, quannu nisceru nta li cìnima, e si sapìa già chi avìssiru fattu tutti l'àutri, ci mìsiru lu nomu "Guerri Stillari" - Lu quartu - Na nova spiranza (ntô sò paisi Star Wars: Episode IV - A New Hope). Ccà 'n Italia nuàutri lu vìttimu cu li scritti sutta "Lu quartu" e "Na nova spiranza" e puru, ma prima, chidda senza nenti. Puru nta chidda chi niscìu pi lu vintinnali di la pillìcula ci mìsiru Guerri Stillari - Lu quartu - Na nova spiranza.
Pi la nova triluggìa George Lucas cumannò ca li pillìculi forasteri avìanu a aviri lu nomu "Star Wars". Sta cosa fà capiri picchì nta la triluggìa nun ci mìsiru lu nomu talianu "Guerri Stillari". Lu distribbuturi talianu appi a diri sì a chiddu chi dicìa Lucas.