Bella Stellaria

E Vicipaedia

Haec pagina de serie explicat. Si quid quaeris quod pelliculam et "Bella Stellaria" appellatur, vide Bella Stellaria Episodium IV: Nova Spes.

Bella Stellaria (Anglice Star Wars) est nomen seriei sex pellicularum quae fabulam epicam exhibent de populo, qui "Diu, diu abhinc in galaxia ultra, ultra" vivit, et de bello quod factiones in eo galaxia gerunt. Pellicularum dispositor et effector fuit Georgius Lucas.

[recensere] Bella Stellaria originalia

In pellicula originali, anno 1977 palam facta, personae principales fuerunt Lucius Skywalker (actor: Marcus Hamill), Darth Vader (vox: Iacobus Earl Jones; actor: David Prowse), Han Solo (actor: Harrison Ford), et Principissa Leia (actrix: Carrie Fisher). Alias partes egerunt Obi Won Kenobi, robota R2D2 et C3PO et Chewbacca, animal quoddam.

Haec pellicula, prima exhibita, maximam spectatorum gratiam iniit. Quam plurimas pecunias meruit usque ad pelliculam E.T. Extraterrester anno 1982 prolatam. Etiam statum pelliculae sumptuosissimae meruit, quem statum deinde post unum annum pellicula Titanica superavit.

[recensere] Series

Sex pelliculae in serie Bellorum Stellarium factae sunt ab anno 1977 usque ad 2005. Ecce:

Bellorum Stellarium Episodium IV: Nova Spes (New Hope, 1977; pellicula originalis)^[1]
Bellorum Stellarium Episodium V: Imperium contra offendit (The Empire Strikes Back, 1980)
Bellorum Stellarium Episodium VI: Reditus Iediensium^[2] (Return of the Jedi, 1983)
Bellorum Stellarium Episodium I: Comminatio Phantasmatica (Phantom Menace, 1999)
Bellorum Stellarium Episodium II: Impetus Clonum (Attack of the Clones, 2002)
Bellorum Stellarium Episodium III: Ultio Sithensium (Revenge of the Sith, 2005) ^[3] (Revenge of the Sith, 2005)

Numerus cuiusque episodii eventorum ordinem seriei significat. Georgius Lucas primo voluit seriem facere novem pellicularum, quae e ternis trilogiis consisterent: Episodia IV-VI, prima edita, de rebus post Bellum Yavinense gestis usque ad annum 4 pBY^[4] tractat, cum episodia I-III de rebus ante Bellum Yavinense gestis ab anno 32 aBY narrent. A prima origine Lucae propositum erat ultimum trientem huius seriei adhuc producere, at tempore labente eo demum adductus est, ut vires sibi defici aestimaret. Quoniam autem noluit alium hominem sinere pelliculas suas facere, ipse dixit solas sex pelliculas a se factum iri.

Series episodiorum I-III anno 1999 incepta sunt de Anakin Skywalker puero (actor: Iacobus Lloyd) et iuveni (actor: Hayden Christensen) qui denique in Darth Vader conversus est. In his pelliculis Principissam Amidalam (actrix: Natalia Portman) adamat.

[recensere] Citationes Famosae

"Diu, diu abhinc in galaxia ultra, ultra"

"Vis Vobiscum"

"Luci, tuus pater sum" (sub finem pelliculae "Imperium contra offendit", ubi Darth Vader Lucio Skywalker, quis sit, dixit).

[recensere] Citationes Librorum

"Sacrificium ageteris deis, et deinde cor tuum discindam cum manibus meis propriis."

"Si manus tuas proprias habes, probabiliter non tam amplus es quam nobis dicis."

"Verbis illis dictis, meruisti multum dolorem."

"Praesumo Iuuzhanis Vongi non promoventur propter sollertias colloquii."

—Tsavong Lah et Iaena Solo, Iter Obscurum

[recensere] Notae

↑ Primo haec solum Star Wars appellatur, sed postea titulus New Hope additur.
↑ McNamara, Charles Joseph. "Iohannes Harvard, Eques Iediensis"
↑ Ephemeris, BREVES: "Ultio Sithorum" (in archivis anni 2005)
↑ Temporum ratio mundi hac serie pellicularum expositi Bello Yavinensi quasi cardine rerum utitur. Itaque tempora rebus ante hoc bellum gestis data cum siglo aBY (ante Bellum Yavinense) scribuntur, cum tempora post bellum illud cadentia cum siglo pBY notentur.