Pugghia
Di Wikipedia, la nciclupidìa lìbbira.
Pugghia | |
Mmàggini:Puglia-Bandiera.png | |
Muttu: | |
Nomu ufficiali: | Puglia |
---|---|
Zona: | Italia miridiunali |
Capulocu: | Bari |
Aria: | 19.000 km² |
Abbitanti: | 4.000.000 |
Dinzitati: | 210 ab./km² |
Pruvincî: | Bari, Brìndisi, Foggia, Lecci, Tàrantu |
Cumuni: | 258 |
Situ istituzziunali: | - |
Prisidenti: | Nichi Vendola di lu 4.4.05 |
Mappa | |
La Pugghia (o Puglia o Puja o Pùia 'n salentinu) è na riggiuni di l'Italia miridiunali chi si cumponi di sei pruvinci. Cunfina a nord cu lu Mulisi, a ovest cu la Campania e la Basilicata, a sud cu lu Mari Joniu e a est e nord cu lu Mari Adriàticu. Lu nomu stòricu è Apulia (ca veni di lu Grecu Iapyghìa, Iapigia) pirchì li primi abbitanti si chiamàvanu Àpuli (e Iapigi ntô grecu).
La capitali è Bari. La Pugghia cumprenni li pruvinci di Bari, Brìndisi, Foggia, Lecci, Tàrantu e Barletta-Andria-Trani; st'ùrtima di ricenti stabbilizzazzioni e nun ancora upirativa. [1]
Ìndici |
[cancia] Giografìa
La Pugghia è la riggiuni cchiù a est di l'Italia: Punta Palascìa (a Otrantu, Salentu), è luntana menu di 80 km di li costi di l'Arbanìa. Ci sunnu chiani pi lu 53,3%, cullini pi lu 45,3% e muntagni sulu pi l'1,5%. Siccomu ch'è na pinìsula, li mari la circùnnanu di tri parti, ma nun havi ciùmira, a parti l'Ofantu, ca comu è gghiè si poti navicari sulu a la parti finali. L'ùnicu lacu ca ci havi acqua ca si poti bìviri, unni la pigghia l'Acquiduttu Pugghisi, è lu Lacu d'Occhitu, a li cunfini cu lu Mulisi (e nfatti, dàtusi ca havi picca acqua, spissu succèdinu crisi ìdrichi). A lu tempu di li Rumani, la Pugghia era cchiù granni, pirchì cumprinnìa puru na parti di lu Mulisi, di la Campania (Sanniu) e di la Basilicata.
[cancia] Ciùmira, lachi e ìsuli
Li ciùmira di la Pugghia sunnu chiuttostu turrenti, comu lu Candilaru, lu Cervaru e lu Carapelle, ma esìstinu puru certi ciùmira n'anticchia cchiù granni ca vàgnanu pi picca la Pugghia, comu l'Ofantu e lu Fortore. 'N ginirali, siccomu ca lu turrenu è càrsicu - supratuttu supra lu Garganu e supra li Murgi - l'acqua si nfirtra suttaterra e ddàni curri a lu mari. Chistu è evidenti a lu Pulu di Altamura, a li grutti di Castellana e a chiddi di Putignanu.
Siccomu ca c'è picca acqua, custrueru n'acquiduttu ca, cu na seri di canali suttaterra, faci arrivari l'acqua di lu Sele, di la favara di Caposele mentri a Villa Castelli (pruvincia di Brìndisi).
Li lachi maiuri sunnu chiddi di Lesina e di Varanu supra lu Garganu, a nord-est. A sud-est, a lu Salentu, ci sunnu li Lachi Alimini, nnanzi a Otrantu (pruvincia di Lecci). Puru quannu si cogghi na picca d'acqua nta na zona càrsica, lu chiàmanu lacu: comu pi li "lachi di Conversanu" (Bari) e pi lu Laccu Craparu di Sulitu. Sti lachi dùranu pocu e a secunna di quantu chiovi. Ci sunnu puru àutri lachi cchiù picciddi, e tanti di chisti sunnu artificiali o margi (comu li Cesini
Arricurdamu puru l'Ìsuli Tremiti, 'n frunti a lu Garganu, e appoi, ammenzu a lu mari Joniu, l'ìsula di Sant'Andrea (a Caddìpuli) e l'Ìsuli Cheradi a Tàrantu
[cancia] Clima
Lu clima è miditirràniu nnanzi a mari e supra li chiani, a l'estati faci càudu e siccu e lu mmernu chiovi e sciùscianu li vèntira; susu li Murgi, l'appinninu daunu e lu Garganu a lu mmernu poti puru nivicari e c'è tanta negghia, puru tutta la notti longu longu. Li tri pruvinci di "lu nord" sunnu tra chiddi unni chiovi di menu di tutta l'Italia, pirchì li vèntura di punenti làssanu l'ùmitu supra l'appinninu campanu e supra chiddu lucanu, e supra li chiani e nnanzi a mari arrìvanu già sicchi. Li stissi vèntira si càrricanu ntorna d'ùmitu supra lu mari Joniu, e quinni a li tri pruvinci salentini chiovi di cchiùi.
[cancia] Artìculi curilati
[cancia] Rifirimenti
- ↑ Liggi 11 di giugnu 2004 n. 148. URL spiatu lu 26-03-2008.
[cancia] Lijami di fora
Purtali di lu Salentu – Jiti a l'artìculi di Wikipedia supra lu Salentu. |
Riggiuni d'Italia | ||
---|---|---|
Abbruzzu | Basilicata | Calabbria | Campania | Emilia Rumagna | Friuli Venezzia Giulia | Lazziu | Liguria | Lummardìa | Marchi | Mulisi | Piemunti | Pugghia | Sardigna | Sicilia | Tuscana | Trentinu-Àutu Àdici/Sutta Tirolu | Umbria | Vaddi d'Aosta | Vènitu |