Megara Hyblaea

Di Wikipedia, la nciclupidìa lìbbira.

Megara Hyblea è lu nomu di n'antica Culonia greca n Sicilia; s'attrova ntê vicinanzi di Austa. Lu sò nomu veni dô re sìculu Hyblone di Pantàlica.

Ìndici

1 Funnazzioni
2 Storia dâ citati
3 Bibbliugrafìa
4 Lijami esterni

[cancia] Funnazzioni

«Propria nti ddu pirìudu Lamide arrivau a Megara, n Sicilia, a la guida di na culonia e a nord dô ciumi Pantachio funnau na nica citati, dànnucci Trotilo comu nomu. Chiù tardu passau a Liuntini unni, pì annicchia tempu, si spartìu chê Calcidesi la dirizzioni pulìtica di dda culonia; jittatu fora dê Calcidesi, funnau Tapso e ddocu morsi, mentri li soi, mannati di Tapso, allisteru Megara, chiamata Iblea, picchì lu re dê Sìculi Ibloni avìa cuncidutu a iddi la terra, e ci l'avìa macari cunnuciuti di prisenza. E pì ducentuquarantacincu anni fu la sò sedi, nzinu a quannu Giloni, tirannu di Sarausa li mannau dâ sò citati e dô sò cuntadu.»

(La Guerra dô Pilupunnesu, IV libbru, Tucididi)

Vinni funnata ntô 728 a.C. di culunizzatura megarisi, ca s'aunu stabbilutu n pricidenza ammeri Trotilon (ora Bruculi), Lintini e a Thapsos

Tucididi dici ca vinni funnata di l'icista Lamis, ca vineva di Megara Nisea, murutu a Thapsos. Secunnu la tradizzioni, lu funnaturi uttinnìu la terra unni allèstiri la culonia dô re sìculu Ibloni. 'N segnu di ringrazziamentu la nova citati assumìu midemma lu nomi di Iblea. Centu anni doppu, li iblei, forsi circannu 'n novu locu ô quali addistinari lu sô sviluppu, funnaru Selinunti.

[cancia] Storia dâ citati

Mai ha apparutu comu na citati mpurtanti, comu mai ha trajutu vantaggiu dâ sò pusizzioni. Vinni addistruggiuta di Giruni ntô 481 a.C. . Ntâ spidizzioni atenisi contru Sarausa (415-413 a.C.), Lamacu propunitti di rinnilla basi di l'asèrcitu atenisi; ma la sò pruposta nun vinni accugghiuta nzinu a quannu li sarausani stissi nun la furtificaru. Ntô 309 a.C. vinni fortificata n'autra vota.

Duranti la secunna guerra punica vinni distruggiuta di li truppi dô cònsuli Marcu Claudiu Marceddu ca jeva a assediari Sarausa. La citati mai chiui vinni arricustruita.

Sicunnu cirtuni autori, idda fu la citati ca desi lu natali a lu cummediògrafu Epicarmu.

[cancia] Bibbliugrafìa

Paolo Orsi in Monumenti dei Lincei (1891), i. 689-950; e Atti del congresso delle scienze storiche, v. 1 81 (Roma, 1904).
Coarelli-Torelli, Guida archeologica della Sicilia, (Bari, 2000)
Vallet-Villard-Auberson, Guide de Megara Hyblaea, (Roma, 1983)