Filfla
Di Wikipedia, la nciclupidìa lìbbira.
Filfla è na nica ìsula disabbitata di l'arcipèlacu maltisi.
Ìndici |
[cancia] Giografìa
Filfla s'attrova ô sud-ovest di l'ìsula di Malta, a 5 chilòmitri dâ costa, è granni 'n lunchizza sulu 700 metri, pi na supirfici tutali di 60.000 m².
La sula struttura ca si havi nutizzia era na cappella custruiuta nti na grutta ntô 1343, ca vinni pirò jittata 'n terra dû trimuotu dû 1856.
[cancia] Storia
Nnô mentri dû duminiu britànnicu e nzinu lu 1971 l'ìsula vinni addupirata, cu assai strafuttenza, comu birsagghiu pi l'esircitazzioni dâ Royal Navy e dâ Royal Air Force.
[cancia] Armali
Carattirìstica funnamintali di l'ìsula è l'èssiri praticamenti naccissìbbili pi via dê rìpidi scugghieri; ntô 1988 vinni addichiarata Riserva Naturali, pô fattu ca è l'ùnicu puntu ô munnu unni stava na speci di cicièttula virdi macchiata di russu (lacerta muralisvar.filfolensis), endèmica di Filfla e supravvivuta - furtunatamenti - ê bummardamenti.
[cancia] Liggenni
Si cunta ca nti nu passatu assai luntanu l'abbitanti di Il-Maqluba fùssiru accussì tinti d'èssiri jittati ntô nfernu pi càusa di na punizzioni divina; ma mancu lu Diàvulu pirò li vosi, tantu èranu tinti, e li mannau dû novu 'n supirfici nzèmmula ôn nicu e disulatu pezzu di terra ca addivintau Filfla.
