FIAT

Da Wikipedia.

Test an lenga piemontèisa

La FIAT a l'é la pì importanta fàbrica italian-a.
Ël nòm a veul dì Fabbrica Italiana Automobili Torino (Fàbrica Italian-a Viture Turin). A l'ha la sede a Turin al Lingòt.

Contnù

1 Stòria
2 Viture
3 Aministrassion

[modìfica] Stòria

[modìfica] J'achit

La fàbrica a l'é stàita fondà l'11 ëd luj dël 1899, con Ludovico Scarfiotti pressident, ël cont Cacran ëd Bricheras vice-pressident, Giovanni Agnelli segretari dël consèj d'aministrassion. A smija che ël nòm a sia stàit sernù dal prim diretor técnich, l'anginié Aristide Faccioli (ch'a l'é stàit tòst sostituì da l'anginié Enrico).

Ël prim ëstabiliment, ëd 10.000 méter quàder an cors Dante, a l'é stàit inaugurà ai 19 ëd mars dël 1900, an presensa dël prinsi Ferdinand e dël prinsi Tomà, duca ëd Génoa.
Ël capital dla sossietà a l'era d'800.000 lire, sot-scrit da vàire esponent dla noblëssa e dla rica borzoasìa turinèisa (ël marchèis Fré ëd Vintmija, ël cont Biscaret ëd Rufia, ël cont de Falicon, ël comendator Foa, monsù Damevino, ël comendator Vercellone, ël sivalié Aymonino e d'àutri), e daj dirigent ëd chèiche banche dla sità: Banca Sconto e Sete, Banca Frej Ceriana, Banca Kuster, Banca Sormani e Deslex. Ël 1900 a l'é sarasse për la FIAT con un passiv ëd 18.000 lire.
Dël 1901, d'lë stabiliment ëd cors Dante, anté ch'a travajavo 150 ovrié, a son surtije 73 viture, e ël passiv dla sossietà a l'é stàit ëd 9.849 lire. Ij prim ativ a son rivà ant j'agn apress: 64.000 lire ant ël 1902 (con 107 viture fabricà); 91.000 lire dël 1903 (135 viture); 48.000 lire ant ël 1904 (268 viture).

[modìfica] La ciambrea dël 1906

J'8 ëd mars dël 1906, la ciambrea dij sòcio a decid dë slarghé ël but ëd la sossietà a la fabricassion e al comersi ëd material feroviari e dij tranvaj, acessòri, angign për ël traspòrt, la navigassion e la reonàutica, e via fòrt. As decid ëdcò ëd liquidé la veja sossietà anònima e ëd fene na neuva, con capital ëd neuv milion ëd lire, dont ël 30% versà, dividù an 90.000 assion da 100 lire. Pì che un ters dël total a l'era ant le man ëd tre përson-e: l'agent ëd borsa Luigi Damevino (12.185), Ludovico Scarfiotti (10.000), Giovanni Agnelli (12.500). Ma scasi n'àutr ters, 29.850 assion, a l'era a nòm dl'anginié Attilio Bossi (miraco n'òm dla Banca Comersal Italian-a).

Dël 1907 la fàbrica a l'ha 'n prim angrandiment, an contrà Chiabrera.

[modìfica] La crisi dj'assion e l'ancesta

Ant ël 1907 na crisi ëd borsa a fa droché j'assion FIAT fin-a a 17 lire.
Për sòn, Scarfiotti, Damevino, Agnelli e d'àutri a son mnà an giudissi acusà d'avèj provocà a pòsta la crisi për fé man bassa dle quòte dij cit assionista; j'amputassion a son ëd trufa, fàuss ant ij bilans, distribussion ëd ricav nen madurà, aquist d'assion soe da part dla sossietà.
Ai 25 ëd maj dël 1912 a-i riva l'assolussion, confirmà ij 6 ëd luj dël 1913.

[modìfica] Mirafior

Lë stabiliment ëd Mirafior a l'é stàit costruì a la fin dj'agn 1930, e për bomben ëd temp a l'ha arpresentà ël sìmbol dla produssion ëd viture dla FIAT.

[modìfica] Viture

La prima vitura surtìa dal porton ëd cors Dante a l'era na 3 1/2 HP.
Le viture ën produssion ancheuj a son: Panda, Grande Punto, Multipla, Stilo, Idea, Croma, Bravo, Ulisse, Doblò e 500.

[modìfica] Aministrassion

La fàbrica, na sossietà për assion, a l'é ancora controlà d'la famija Agnelli.
Ël president a l'é Luca Cordero di Montezemolo e l'aministrator delegà a l'é Sergio Marchionne.

OMMI! Ma io non SO LEGGERE!! E be'? :) È facile leggere una lingua che si parla già. Consulti questa pagina e vedrà, in un attimo anche Lei avrà il suo badge da bogianen :)

St'utent-sì a l'é un bogianen

OMMI! pero si YO no
SE LEER!

¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)

15.650 artìcoj scrivù e na media ëd pàgine lesùe davzin a 1.750.000 pàgine l'ann!

'cò ti it peule travajé a fé pì granda e bela la wikipedia piemontèisa. Tùit a peulo gionté dj'anformassion, deurbe dij neuv argoment, deje na man aj volontari ch'a travajo ambelessì 'ndrinta. Rintra ant la Piòla e les coma avnì a fé toa part. I soma na gran famija e i l'oma da manca dël travaj ëd tuti. Se it la sente nen dë scrive n'artìcol, a-i son vàire travajòt da fé andova a fa pa da manca d'esse na cima a scrive për podej giuté. Mersì.

BANCHÈT dj'UTISS

Për dì la soa ansima a sta pàgina-sì ch'a-i daga 'n colp col rat ant sël tilèt discussion. Për lasseje un messagi a j'aministrator ch'a varda ambelessì.