Bavaari

Aus Wikipedia

**Freischdaat Bavaari**
Faahne	Wopen
oder
Basisdaten
Haaptschtadt:	München
Fläch:	70.549,44 km² (1.)
Awunner:	12.464.997 (2.) (30. September 2005)
Bevëlkerungsdicht:	177 Eiwohner je km² (11.)
Politik
Stëmmen am Bunnes-Raat:	6
Minister Bresident:	Günther Beckstein (CSU) (sidder em 9. Oktober 2007)
Pardei an der Regiering:	CSU
Lokalisatioun

Bavaari, Bavaria odder die Freischdaat Bavaari iss en Bunnesland was leit in em sautoscht Eck vun Deitschland.

[Bearbeiten] Leit vun Bavaari

Der Leonhard Kaiser waar en Parre ass en Lutheran warre iss. Er waar arrested in 1527 in Scharding, Bavaari cause die Authorities glaabt henn ass er en Widderdaafer waar. Er waar dot gmacht uff re Leeder ass gschmisse waar in en Feier (Langin, 1994 : 165).

Der Count Wilhelm hot en Laa gmacht ass gsaagt hot ass yeder Widderdaafer misse Dot gmacht warre entwedder mit Feier odder mit Beheading (Langin, 1994 : 167-168).

Der Christian Nafziger hot en Heemet in Kanadaa gfunne fer sei Amische Gmee vun Bavaari. Amische Immigrant Familye-Naame vun Bavaari in Ontario waare : Oesch, Nafziger, Steinmann, Schrag (Langin, 1994 : 247). Sie sinn in de 1820's riwwerkumme unn ihre Noochkummerschaft in de Perth Kaundi Amisch Settlement schwetze heidedaags Pennsilfaanisch Deitsch.

[Bearbeiten] Widderdaafer in Bavaari

Zwische 1527 unn 1581 waare 223 Widderdaafer dotgmacht bei Execution in Bavaari.

1587 Bavaari hot en Laa gmacht ass gsaagt hot ass sie de Leit Geld gewwe deet wann sie Widderdaafer gfange deede.

1797 Amische ziege noch Bavaari vun Alsace unn Lorraine so ass sie en besser Lewe hawwe kennte. Gmeene gegrindt in Regensburg, Ingolstadt unn Munich.

1811 Bavaari gebt Amische neie Rights. S'iss nimmie notwennich fer schweere, Amische sinn alaubt fer der Hand gewwe im Blatz vum Eed (zu schweere waar geeich de Amisch ihre Glaawe).

Gwuelle: (Langin : 1992)

[Bearbeiten] Amische Gmeene in Bavaari

Es waar en Amische Gmee in Ingolstadt (Amische waare datt bis 1912), in Regensburg (Amische waare datt bis 1908) unn in München (bis 1892). Sie sinn zaamekumme mit de Mennischde unn es sinn nimmie ennich Amisch in Bavaari (Langin, 1994 : 342).