Adventista di Shete Dia
Di Wikipedia, e ensiklopedia liber
E iglesia di Adventista di Shete Dia ta un denominashon kristian kual, mane e nòmber ta sugerí, ta mas konosí pa nan enseñansa ku djasabra, e di shete dia di siman, ta e Sabbath. E denominashon, ofisialmente establesí den 1863, a krese for di e moveshon Millerite den merka medio di siglo 19. Adventistanan di Shete Dia tambe ta konosí pa nan enseñansanan tokante dieta i salubridat, i ta diferensia nan mes for di otro gruponan kristian dor di nan kreensia den un estado no bei di mortonan i den un huisio investigativo ku a kuminsa den 1844.
E iglesia a krese rapidamente, lantando luganan di publisidat ku e meta pa huza e medio imprimí pa plama e gospel. Den 1874, e organisashon a manda nan prome misionario un otro pais. Esaki tabata e homber J. N. Andrews ku nan a manda Suesia. Den e mesun aña nan a lanta nan prome instituto pa enseñansa avansa "Battle Creek College", kual awor ta konosí komo "Andrews University".
