Хъæдгæрон
Сæрибар энциклопеди Википедийы æрмæг.
Хъæдгæрон у Цæгат Ирыстоны Æрыдоны районы хъæу. Нæ рæстæджы йæ алыварс дæр сты хуымтæ.
[баив æй] Экономикæ
Æрæджы дзы арæзт æрцыд стыр "Калибровочный завод". Куыд хъуыды уыд, афтæмæй йæ бон армæст Ирыстоны бæрц нартхоры мыггаг нæ, фæлæ анæхъæн Цæгæт Кавказы фаг уадзын у. Фæлæ бирæ алыхуызон рæдыдтыты тыххæй йæ фыццаг бонæй нырмæ не скуыста, йæ пълан цы уыди, афтæ.
Хъæдгæроны адæм сæ фылдæр кусынц сæхи цæхæрадæтты æмæ уымæй цæрынц.
[баив æй] Спорт
Кæддæриддæр уыди Хъæдгæрон йæ спортсментæй тынг бузныг. Фæстаг цалдæр азы даргъы Уæрæсейы хъæбысхæсты националон командæйæн хæцы хъæдгæройнаг Фарниаты Ирбек. 2003 азы йæ бон баци Дунейы æмæ Европæйы чемпионатты фыццаг бынæттæ бацахсын, рамбылдта бирæ æндæр турниртæ.
2004 азы æппæт фыццаг Уæрæсейы профессионалон сумойы хæцджытæ систы Хъæдгæронæй рацæугæ дыууæ æфсымæры Борадзатæй: Сослан æмæ Батырадз. Сæ сумо-нæмттæ сты Рохо (ома Уырыссаг феникс) Сосланæн æмæ Хакурозан (Уырыссаг урс къæдзæх) Батырадзæн. Тынг æхсызгонæй кæсынц хъæдгæройнæгтæ æмæ æгас Ирыстон, Японы тыхджынддæр сумо-лигæйы нæ лæппутæ куыд хæцынц, уымæ. Сослан æмæ Батырадзы йедтæмæ бирæ фæсæрæйнæгты къухы нæ бафтыд уырдæм бахауын. Ис дзы æрмæст иу цалдар монгойлаг (абоны лигæйы иунæг Йокодзунæ Асасёрю дæр монгойлаг у), иу хуссар-корейаг, иу болгариаг æмæ иу гуырдзиаг хæцджытæ.
