Riu
Un article de Wikipèdia, l'enciclopèdia liura.
Un riu (reg. arriu) o una sòrga es un corrent natural d'aiga que cor de contunh amb una quantitat d'aiga determinada e que se pòt getar dins la mar, dins un lac o dins un autre riu. La partida finala d'un riu es son desbocament. De còps los rius s'acaban dins de zònas deserticas que lors aigas s'i pèrdon per infiltracion e per evaporacion.
- Un riu de talha pichona se pòt sonar tanben riu o pus precisament rivet (reg. arrivet). S'es intermitent, es un valat.
- Un riu de talha mejana se pòt sonar ribièra (reg. ribiera, ribèira, ribèra/arribèra).
- Un riu de talha granda se pòt sonar fluvi o flume (o tanben flum).