Purim
Un article de Wikipèdia, l'enciclopèdia liura.
Purim (en ebrieu: פורים) es una fèsta josieva celebrada annalament lo 14 del mes ebrieu d'Adar (o 15 d'Adar dins las ciutats fortificadas) en commemoracion del miracle relatat dins lo Libre d'Ester que faguèt que los josieus se salvèsson d'èsser exterminats jol mandat del rei persan Assuèr, identificat per mai d'un istorian coma Xerxes I, cap a 450 aC.
Encara que Purim es considerat un dels jorns pus alègres del calendari ebrieu, los josieus an lo dever de junar e de pregar pendent la vigília, en memòria dels josieus persans que junèron e preguèron a YHWH per que que los salvèsse del conflicte imminent qu'auriá comportat lor extermini per d'Aman e per sos partisans de l'armada de l'Empèri persan.
En Purim se legís la Meguilá Ester (en ebrieu: מגילת אסתר) 'Rotlèl (libre) d'Ester'. Après lo june o la privacion, los josieus fan una taulejada granda que la costuma i es de beure de vin e de recitar de cantics, coma la pregariá coneguda coma Shoshanat Ja'akov, qu'es estada gravada per fòrça cantaires josieus en Israèl e dins la diaspòra.
I a la costuma obligada d'enviar de presents als amics (en ebrieu: משלוח מנות Misloakh Manot) e de far de caritat amb los paures (en ebrieu: מתנות לאביונים Matanot La'evionîm), en mai de vestir de trangas los mainatges.
