Pauretat

Un article de Wikipèdia, l'enciclopèdia liura.

La pauretat (reg. praubesa) es la manca de bens materials sufisents per portar una vida digna. Dins aquel sens, es lo contrari de riquesa e fa allusion a un estat de caréncia. Es un paramètre sempre comparatiu; en fach, se pòt parlar de pauretat absoluta (manca de noiriduras, d'ostal e d'aiga potabla), pauretat extrèma (definida pel Banc Mondial coma d'ingrèsses jornalièrs inferiors a un dolar) o pauretat (viure amb mens de 3 dolars al jorn). Aquels nivèls vàrian en foncion del país (per exemple, en Espanha es paure aquel qu'arriba pas al 50% dels ingrèsses mejans del reialme). Los países paures son apelats sosdesvolopats o del Tèrç Mond. Se concentran dins los continents d'Asia e subretot d'Africa, encara que la pauretat es estenuda pel mond, subretot dins las ciutats industrializadas (quatren mond).

Las causas de la pauretat pòdon èsser los desastres naturals, la guèrra, lo despartiment injust dels recorses, la manca d'accès a l'ensenhament, los factors climatics, los govèrns corruptes, la discriminacion per rason de sèxe, la manca de dreches umans, la santat deficienta.

Redusir la pauretat extrèma en combatre aquelas causas es un dels Objectius de Desvolopament del Millenni.