Organisme modificat geneticament
Un article de Wikipèdia, l'enciclopèdia liura.
Un organisme modificat geneticament es un organisme viu que lo patrimòni genetic foguèt modificat per engenhariá genetica, siá per accentuar d'unas de sas caracteristicas o per li ne'n balhar de nòvas consideradas coma desirablas, siá al contrari per demesir, veire eliminar d'unas caracteristicas consideradas coma indesirablas[1]. Aquesta modificacion genetica se fa per transgenesa, es a dire insercion dins lo genòma d’un o mai d'un gèns nòus, jos forma de porcions d'ADN eissudas d’un autre organisme, los gèns inserats podent dins d'unes cas remplaçar de gèns originals (mecanisme d’invalidation de gèn)[2]. Un organisme transgenic, tèrme que designa los organismes que contenon dins son génoma de gèns "estrangièrs", es doncas sempre un organisme modificat geneticament , l'invèrse essent pas sempre vrai.
