Orcadas
Un article de Wikipèdia, l'enciclopèdia liura.
Las Orcadas (tanben sonadas illas Orcadas) son un archipèla del nòrd d'Escòcia, situat a 11 km al nòrd de la còsta de Caithness. L'archipèla es compausat de mai de 70 illas, que 20 sonque son abitadas. La superficia totala es de 990 km². La mai granda illa es sonada Mainland, es la seisena mai granda illa d'Escòcia e la novena de las illas enrodant la Grand Bretanha. La mai importanta vila e centre administratiu es Kirkwall (8500 ab).
Las Orcadas forman una de las 32 divisions administrativas d'Escòcia sonadas council areas, e tanben una region qu'elegís un representant al Parlament escocés e nomenada constituency.
Las Orcadas son abitadas dempuèi 5500 ans. D'en primièr abitadas per tribus neoliticas puèi per los Pictes, las Orcadas foguèron envasidas e annexadas per Norvègia en 875. Puèi en 1472 foguèron fin finala annexadas a la corona escocesa.
Las Orcadas contenon unes dels sits neolitics mai vièlhs e melhor preservats d'Euròpa, e lo "Còr de las Orcadas neoliticas es classat al Patrimòni mondial de l'UNESCO.
