Noiriça

Un article de Wikipèdia, l'enciclopèdia liura.

Una noiriça o baila ( reg. hilhuquèra) es una femna qu'alacha un enfant que es pas son filh. Lo trabalh de noiriça se remonta a la preïstòria, e foguèt comun fins au sègle XIX per alimentar mainatges que sas maires podián pas o desiravan pas ne far, mas es actualament vielhanchon dins la màger part d'Occident. Lo recors a una noiriça podiá èsser motivat per de rasons fisicas coma en cas de produccion insufisenta de lach o tanben socialas; la professionalizacion de la lactància permetiá la maire de se dedicar a autras ocupacions, de redusir lo periòde entre emprenhament (per que lo sistèma endocrin enebís generalament la concepcion mentre que la maire alacha), o simplament de liurar d'un prètzfach percebut socialament d'inadequat per lei classas superioras. Dins mantuna societats, lo prètzfach èra pas una profession, senon qu'èra fach per totei lei maires dau grop. La professionalizacion de l'alatament, foguèt sociologicament un dei mejans que permetèt lei femnas de classa nauta de se desliurar dau ligam constant au trabalh domestic femenin dins lei societats patriarcalas. Lo desvolopament de formulas complètas de lach en pouvàs, adaptada al sistèma digestiu dau mainatge, a portat lo escandilhament progressiu d'aquesta institucion dins lei países desvolopats.