Magia simpatica

Un article de Wikipèdia, l'enciclopèdia liura.

La magia simpatica es una teoria o ipotesi sus la significacion de l'art preïstoric rupèstre; es la cresença en l'obtencion de resultats favorables mejançant la pintura rupèstre e mantuna magia o espirit.

Atal, quand una persona pintava un animal ferit, la magia simpatica feriá l'animal real e la caça èra alavetz mai facila. Se pintavan tanben las femnes amb d'ancas amplas e popas grandas (simbèls de maternitat), per la cresença qu'aquelas se farián pus fertilas.

[Modificar] La societat pendent lo Paleolitic

Pendent lo Paleolitic la societat se compausava de caçaires-culheires d'economia de subsisténcia. Per aquò l'obtencion de noiriduras èra fòrça importanta.

Las pinturas rupèstres se trapan dins de luòcs de accès dificil e fòrça amagadas. Se pòt excludir la possibilitat qu'aquestas pinturas àjan agut una fin decorativa senon qu'avián mantuna fin magica, per que, sempre segon aquesta teoria, aquelas constituïsson de scenes de caça. En consequéncia, en realitat l'animal sofriá, per efècte de la magia simpatica, la meteissa plaga que la de l'animal pintat. Possedir l'animal pintat supausariá de possedir l'animal real.

Del meteis biais, la representacion de la figura femenina exprimís un desir de fertilitat e d'emparament cap a la maire.

[Modificar] Significacion de l'art rupèstre

L'art parietal (manifestacions realizadas subre parets, teches e sòls de balmas) aviá mantun ligam amb l'espiritualitat e èra realizat en balmas amb la fin de santuari. S'es prepausat, al delà de la magia simpatica, que las representacions artisticas correspóndon a cresenças totemicas e ritus de fertilitat. Los animals foguèron los mai utilizats mas tanben apareisson de signes e formas umanas. Probablament las representacions signifiquen pas totas l'obtencion de noiriduras senon autres besonhs.

Los animals mai representats son lo predecessor salvatge del caval, seguit pel bisont, l'ur, la cabra pirenenca e lo rangièr. Entre los simbèls utilizats se tròban la puntuacion en sèria, las linhas cortas verticalas, rectangles e vulvas (ovals doberts amb d'una linha centrala) e se crei que los simbèls emplegats avián tanben una foncion magica. Las figuras umanas se representan nudas.