Noiridura
Un article de Wikipèdia, l'enciclopèdia liura.
La noridura (reg. neuritud) o l'aliment es la fònt d'energia e de nutricion dels animals, e es generalament d'origina animala o vegetala. La noiridura inclutz de sustàncias qu'apelam normalament de manjars e de bevendas. S'aplica tanben a las substàncias requeridas per d'autres èssers vius, coma las plantas, encara que dins aqueste cas l'origina de las noriduras es generalament minerala. L'estudi de las noiriduras es conegut coma sciéncia de las noiriduras.
Somari |
[Modificar] Costumas alimentàrias umanas
[Modificar] Desvolopament istoric
Los èssers umans son d'animals omnivòrs capables de consumir autant de produches vegetals coma d'animals. Evolucionèron dempuèi culheires a caçaires-culheires. Après l'experiéncia de l'Edat de Gèl es possible que los umans volessen crear una sensacion de seguretat en administrant la creissença de plantas e la reproduccion d'animals. Aquò comportèt l'agricultura, que foguèt sempre melhorada e alterèt la manièra d'obtencion de las noriduras.
[Modificar] Minjars
La seleccion de desparièras noiriduras complementàrias ingeridas en conjunt compausan un manjar. La gent causís sovent de manjar en companhia dels membres de sa familha o de sos amics. Aquò s'es generalament entendut coma una amassada sociala importanta.
[Modificar] Produccion e aqueriment de noiriduras
Lo manjar es tradicionalament obtengut a travèrs la culhida, lo coltiu, la pesca, la caça, l'elevatge e d'autres mejans de subsistència. Las tecnica modèrnas (coma la piscicultura) ensajan de maximizar la quantitat de noiridura produsida e de minimizar son còst. Aquelas tecnicas son ligadas al desvolopament d'aisinas mecanicas (coma lo *semoir [fr], lo tractor agricola e la *moissonneuse-batteuse [fr]...). Aquelas aisinas son estadas combinadas amb de pesticidas qu'asseguron lo rendiment de las culhidas e combaton de babaus o d'autres animals (aucèls e mamifèrs) marrits per la produccion. Mai recentament s'es notat una tendéncia cap a practicas d'agricultura pus sosteniblas que estimulan la biodiversitat, la seguretat locala e lo coltiu organic.
