Hardingfele
Un article de Wikipèdia, l'enciclopèdia liura.
.jpg/200px-FeleHel_(2).jpg)
Lo hardingfele o vriulon norvegian (reg. violon norvegian), qu'ei un instrument de musica folcoric de Norvègia tanhent deu vriulon mes dab quauques variancions dens la soa laüteria : la forma de l'instrument, los dessenh de las soas "f"s que son un chic desparièrs ; en mei d'aquò lo hardinfele qu'ei mei ricament ondrat e la soa voluta que representa generaument un cap de leon.
Mes la soa grana particularitat qu'ei d'osténder ueit còrdas : las quate còrdas armonicas deu vriulon classic e quate còrdas simpaticas associadas dab eras. Aquesta originalitat que l'apropia de la viòla d'amor qui deu lo timbre particular deu son son a la soas còrdas simpaticas.
Au contre de las còrdas armonicas, las còrdas simpaticas non son pas premudas peus dits e non son pas tanpaus hregadas peu crin de l'arquet : qu'ei la quita vribracion de las purmèras qui las hè vibrar per "simpatia". Que son donc tienudas devath l'a tòca de l'instrument e que traucan lo pontet entà demorar en devath de las còrdas armonicas.
[Modificar] Ligams intèrnes
_ Vriulon
_ Laüteria
