Avelanièr comun
Un article de Wikipèdia, l'enciclopèdia liura.
|
|||||||||
---|---|---|---|---|---|---|---|---|---|
Corylus avellana | |||||||||
Classificacion classica | |||||||||
Règne | Plantae | ||||||||
Division | Magnoliophyta | ||||||||
Classa | Magnoliopsida | ||||||||
Òrdre | Fagales | ||||||||
Familha | Betulaceae | ||||||||
Genre | Corylus | ||||||||
Nom binomial | |||||||||
Corylus avellana L. |
|||||||||
Percorrètz la biologia sus Wikipèdia :
|
L'avelanièr comun (reg. avelanier, auglanièr, aulanhièr, aulanhier) (Corylus avellana) es un arbre silvestre o cultivat per sos fruches secs, las avelanas (reg. auglanas, aulanhas). Aperten a la familha de Betulaceae. I a una desena d'espècias dintre del genre Corylus. Totes son d'arbres caducifolis que demoran dins l'emisfèri nòrd dins de climas temperats.
L'avelanièr a de fuèlhas redondas simplas e ressegadas. Las flors son de pollinizacion anemofila e los mascles començan de se desvolopar a la fin de l'estiu e contunhan de créisser fins a l'ivèrn seguent. Las flors femes son pus tardivas e pauc visiblas e sonque los pichons estils vermelhs s'i remarcan. Los fruches de 1 a 2 cm de diamètre, son parcialament dintre d'una bractea de color verda al començament e marron a maduracion. Coma arbre silvèstre forma las avelanièras de nauta montanha e a menora altitud se tròba pròche dels rius.
L'avelana es una notz comestibla, fruch de l'avelanièr comun (Corylus avellana L.). A una forma esferoïdala e son diamètre sòl èsser de 10 a 15 mm. Ten una clòsca fibrosa extèrna que envolopa un cobèrt lis ont s'amaga la grana; aquesta clòsca se seca pendent la maturacion.
Avelana | |
---|---|
Valor nutricionala mejana per 100 g |
|
Aiga | 5 g |
Valor calorica | 646 kcal |
Protids Glucids Lipids |
13 g 10 g 62 g |
Provitamina A Vitamina B1 Vitamina B2 Vitamina B6 Vitamina C Vitamina PP |
mg mg mg mg 1 mg 1,1 mg |
Fèrre Calci Magnèsi Fosfòr Potassi Sòdi |
mg 145 mg mg mg 630 mg mg |
Fibras |
7 g |
Lo nogalh de la grana es comestible e se pòt emplegar cru o cuèch (entièr o en pasta). La pèl fosca que cobrís la grana a un gost amar, çò que fa sovent es tirat quand se deu consumir. S'emplega l'avelana per far un òli de gost fòrt e caracteristic per un emplec alimentari mas subretot per èsser barrejada amb de chocolat.
Las avelanas silvèstras son tanben comestiblas mas lors arbres son pauc productius. Se cultiva sens o amb asagatge, e a besonh de vent pendent la pollinizacion que se produtz en ivèrn.