Arbre
Un article de Wikipèdia, l'enciclopèdia liura.
Un arbre (reg. arbe, aubre) pòt èsser definit coma una planta granda, a comptar tres o quatre mètres, amb d'un tronc *lenhós. Los arbres se definisson en foncion de l'embrancament pr'amor qu'a diferéncia dels arbusts, ramifican pas a la nautada de tèrra. Al delà, mantuna espècia d'arbres, pòt de vegadas adoptar la forma arbustiva. Atal, l'euse, se se rebronda o se crema, pòt rebrolhar ramificada dempuèi la tèrra coma un arbust. Per contra, autras espècias abitualament consideradas d'arbustivas, coma l'avaus, en condicions favorablas pòdon créisser coma un arbre. En fach, los botanistas parlan dels fanerofits, que son plantas amb de gemas persistentas situadas per dessús de 40 cm de nautada, e dintre dels fanerofits, nomenan macrofanerofits las qu'en an per dessús de 2 m, e nanofanerofits las qu'en an per dejós. La longevitat d'un arbre es generalament superiora a la de la majoritat de las plantas non arborèas. Mai d'una espècias d'arbres creisse per sus los 100 m. Aquels vivon sovent mai d'un millenni. Los arbres son components fòrça importantas dins lo païsatge natural e son un organisme essencial per la vida umana e animala.
