Anorexia nerviosa

Un article de Wikipèdia, l'enciclopèdia liura.

L'anorexia (o anorèxia)^[1] nerviosa o mentala consistís a un tresvirament alimentari e psicopatologic fòrça grèu caracterizat per la preséncia d'una pèrda deliberada de pes fins al punt de depassar los limits de la normalitat. Aquesta pèrda es indusida o mantenguda per lo meteis malaut, degut a una preocupacion per la massa corporala (pes) e l'alimentacion. Las caracteristicas d'aquesta conducta son la pèrda de pes, las pautas particularas de manipulacion de noiriduras, una intensa paur a l'aumentacion del pes e l'alteracion de l'imatge corporala (lo tèrme anorexia es equivoc, per que vòl dire pèrda de la fame). Se diagnostica mejançant los critèris que dona lo DSM-IV (Manual de l'Associacion Americana de Psiquiatria) o lo CIE-10 de l'OMS. Aqueste tresvirament se pòt presentar en comorbilitat amb d'autres tresviraments coma los estats d'ànsia o depression. Quand se patís d'anorexia se produtz una manca o disminucion del desir de manjar, refús de las noiriduras, abús de laxants e una manca d'ingesta de produches essencials pel còs, amb la finalitat de minjar cap de neurituds. Las personas que la patissen se ven tostemp grasas encara que non lo siàgan pas, mas en son pas conscientes. L'anorexia nerviosa se caracteriza per la paur a aumentar de pes e per una percepcion distorsionada e deliranta del pròpri còs que fa que lo malaut se vésa obès, encara que sòn pes siaga per jos del pes recomanat. Per aqueste motiu, lo malaut inícia una disminucion progressiva del pes mejançant dejuns e reduccions dins sa dieta. Afècta sustot las femnes menors de 25 ans. Aqueste tipe d'anorexia precisa non sonque tornar se noirir, senon tanben un tractament psicologic. Ultimament, s'es discutit largament aqueste tèma, doncas determinadas actitudas modèrnas coma portar la ròba cada viatge pus estreta o cenhuda, o l'aparicion de maniquís de passarella cada viatge pus primes pòt influïr negativament dins l'ànim de fòrça jovenas que sajan arténher lo còs perfècte que la societat sembla demandar. Segon fòrça psicològs, la solucion d'aqueste problèma es educar ara joventut per qu'apréngan a escapar d'aquesta mòda basada dins l'obsession per una figura prima e ensenhar a la gent a èsser erosa amb son propri còs.

[Modificar] Consequéncias

L'anorexia nerviosa afècta la majoritat dels sistèmas de l'organisme, per aquò presenta de consequéncias o de simptòmas fòrça desparièrs. La majoritat d'aquestes simptòmas son aquels d'inanicion que desvolòpan totas las personas que minjan pas lo sufisent per mantener un pes saludable.

• Pèrda del 20% al 60% de la massa corporala.
• Intolerància al fred, lo pacient a tostemp de fred, encara que i aja de calor.
• Atròfia musculara.
• Disminucion de la grandor de las gengivas e menor duretat dentala e ossosa, osteoporosi.
• Dins las femnas, amenorrèa. Dins los òmes, disminucion de l'interès sexual e de potència.
• Ipertrofia de las glàndulas salivalas.
• Alteracion del sistèma cardiovascular: lo còr s'afeblís, apareis de bradicàrdia e ipotension (pròp d'un 95% dels pacients anorexics espitalizats an lo *pouls (fr) bas).
• Aumentacion de la susceptibilitat a las infeccions, deguda a una depression del sistèma immune que protegís contra las infeccions, leucopènia (un 50% de las anorèxics la patís)
• Anèmia, deguda a la consomacion insufisenta de fèrre e proteïnas (apuprètz una tresena part dels anorexics n'a).
• Pèrda del pel. Pèl sèca, auriòla e cubèrta de pel fin. Pès e mans espompidas. Dolor abdominal en se seient, per que s'es perduda de grassa talament que los òssos entran en contacte amb la cadièra dirèctament sense lo coissin natural que representava la grassa. Dins l'anorexia purgativa, retard del cors del contengut intestinal e dificultat per son evacuacion, deguts a l'excès de laxants.
• Alteracion del sistèma nerviós en causant apatia, irritacion e depression.
• Diabetis insipida.
• Pensadas confusas e memòria paura.
• Insomni.

Dins los casos de màger gravetat pòdon i aver las complicacions seguentas:

• Desidratacion. Arrítmias importants. Laspanada. Malnutricion grèva. Mòrt (las taxes de mortalitat se trapan entre lo 2 e lo 10%).

[Modificar] Nòtas