Utcubamba
Frå Wikipedia – det frie oppslagsverket
Utcubamba er ei elv med nedslagsfelt i sørlege Amazonas-regionen i Peru. Øvre delar av bassenget er kjerneområdet for chachapoya-kulturen. Ho oppstår ca. 4000 moh. noko sør for den litle byen Leymebamba som ligg ca. 90 kilometer sør for regionhovudstaden Chachapoyas. Sørlege Utcubamba-dalen er høgtliggande og ein del av Andes. Elva renn først mot nord, deretter mot nordvest til ho tømer seg i Marañón nær byen Bagua. Dette er òg staden som Chinchipe renn ut i Marañón frå motsatt side. Utcubamba er ikkje egna for båtar, men ho gjev energi for fleire vasskraftverk i dalføret. Utcubambadalen er nytta til jordbruk og det tropiske klimaet saman med irrigasjonsdrift med vatn frå elva gjev høve til dyrking av produkt som yucca, mais, sukkerrøyr og banan.
Namnet Utcubamba kjem frå quechua, utcu: bomull, bamba: mark, bomullsmarka.
[endre] Kjelde
- Denne artikkelen er basert på ei omsetjing av artikkelen Río Utcubamba frå Spansk Wikipedia .