Marañón
Frå Wikipedia – det frie oppslagsverket
Marañón er ei 1 905 km lang elv i Peru, og ei av sideelvane til Amazonaselva.
Elva har utspring i 5 800 meters høgd nær Cordillera Huayhuash, renner gjennom ein stor del av Andesfjella i det nordlege Peru og tar i mot fleire sideelvar, m.a. Utcubamba. Når ho møter Ucayali skiftar dei namn til Amazonaselva. På sin veg ned gjennom høgfjellet til flat jungel går elva gjennom fleire djupe gjel.
Elva er ein viktig del av romanen La Serpiente de Oro, av den peruvianske forfattaren Ciro Alegría.