Truvedkjenning
Frå Wikipedia – det frie oppslagsverket
Ei truvedkjenning er ein tekst som uttrykker visse grunnleggjande sider ved ei religiøs tru, og som gjerne blir brukt for å seia at ein tilhøyrer denne trua.
Innhaldsliste |
[endre] Ulike truvedkjenningar
[endre] Islam
Den muslimske truvedkjenninga Sjahádah uttrykker ei tru på éin Gud og at Muhammed var profeten hans. Vedkjenninga er rekna som ein av dei fem søylane i islam, og å seia henne ærleg og med to vitne til stades er rekna som ei gyldig konvertering til islam. Setningen blir sagt dagleg i samband med bøn, og blir brukt som dekorasjon i muslimsk kultur.
[endre] Jødedommen
Den jødiske truvedkjenninga Sjemá‘ eller Sjemá‘ Jisraél gjev òg uttrykk for trua på éin udelt Gud for det jødiske folket. Sjemá‘ blir brukt dagleg i morgon- og kveldsgudstenester.
[endre] Kristendommen
Dei viktigaste kristne truvedkjenningane er den nikenske, den apostoliske og den athanasianske.
Det finst også andre kristne truvedkjenningar som er blitt skrivne for særskilde omstende. Døme på dette er truvedkjenningar som blei utveksla mellom den katolske kyrkja og den ortodokse kyrkja som eit forsøk på å få slutt på det store skismaet frå 1054.
