Tempel
Frå Wikipedia – det frie oppslagsverket
| Døme på tempel |
|---|
|
Noverande religionar:
Tidlegare religionar:
|
Tempel er ei nemning som blir brukt om heilage bygningar innan mange religionar. Ordet kjem frå latin templum som tyder 'heilag stad'. Eit tempel blir som regel rekna som ein stad der ein guddom held til, og ein utfører gjerne ei form for tilbeding der. Det finst ofte reglar for kven som kan koma inn og korleis ein skal oppføra seg i tempel.
Innhaldsliste |
[endre] Bruk av ordet
Tempel er eit vidt omgrep som kan femna om gudshus innan fleire religionar. Det blir noko sjeldnare brukt innan dei abrahamittiske religionane, der muslimar aldri vil omtala ein moské som eit tempel, dei fleste kristne har mange ulike namn på sakralbygg men bruker sjeldan tempel, og jødar ofte samlar seg i ein synagoge eller shul ettersom Tempelet i Jerusalem ikkje finst lenger. Det finst likevel kristne tempel innan ortodoks kristendom og mormontrua, og mange reformjødar brukar ordet tempel om gudshus.
[endre] Bruk av tempel
Truande kan gå til tempel for å tilbe guddommar, til dømes ved å be, utføra offerhandlingar, og bli signa av gudebilde eller prestar. Ein kan òg gå til tempel for å vera saman med andre truande.
Det kan stillast visse krav til dei som vil inn i tempel, som at dei skal vera (rituelt) reine og passande påkledde. I visse religionar får bare dei som tilhøyrer religionen koma inn i tempelet. Det blir òg venta at ein viser ein viss respekt for guddommen.
[endre] Kjende tempel
- Harmandir Sáhib, det gylne sikh-tempelet i Amritsar
- Lotustempelet i Delhi
- Pantheon i Roma
- Tempelet i Jerusalem
- Tempelet i Uppsala
