San Antonio

Frå Wikipedia – det frie oppslagsverket

San Antonio

Fakta
Delstat	Texas
County (fylke)	Bexar county
Ordførar	Phil Hardberger
Flatevidd	1067,3 km²
Folketal	1 144 646 (2005)
Folketettleik	1 084,4 innb./km²
Vevside	http://www.sanantonio.gov/
Tidssone	CST (UTC -6
Geografi

San Antonio er ein by i delstaten Texas og hovudsete for Bexar county. Ifølgje folketalsestimata for 2004 har byen 1 236 249 innbyggarar, noko som gjer byen til den åttande største i USA, og den nest største i Texas. San Antonio har likevel ingen store forstader utanom byen, og reknar ein med slike er Dallas betydelig større.

Området var først folkesett av indianarar som kalla området Yanaguana, «forfriskande vatn». Då spanjolane kom til området i 1691, var det festdagen til helgenen Antonius av Padua, derifrå kjem namnet San Antonio. «Mission San Antonio dei Valero» blei etablert i 1718. Slaget ved Alamo fann stad i nærleiken av byen i 1836, og byen har sidan vakse rundt slagstaden. Alamo er idag ein av dei mest kjende turistattraksjonane i byen.

Forutan turistindustrien, har ei rekke storbedrifter hovudkvarter i byen. AT&T er det største teleselskapet i USA, i tillegg har ein petroleumsbedriftene Valero og Tesoro, finansinstitusjonane USAA og Frost National Bank, medie- og reklamebedrifta Clear Channel, forskingsinstitusjonen Southwest Research Institute og daglegvarekjeda H-E-B. Det store sjukehuset South Texas Medical Center har òg hovudsjukehuset sitt i byen. Blant dei mange utdanningsinstitusjonane i San Antonio er den største San Antonio greina til University of Texas.