Prins Henrik av Danmark

Frå Wikipedia – det frie oppslagsverket

prins Henrik, prinsgemalen av Danmark (Henri Marie Jean André) (fødd 11. juni 1934 i Gironde i Frankrike) er ektemaken til dronning Margrethe II av Danmark.

Han vart fødd Henri de Laborde de Monpezat, og er son av André de Laborde de Monpezat (1907–1998) og Renée Doursenot (1908–2001). Familien de Laborde de Monpezat titulerer seg sjølv som grever, men dei har eigentleg ikkje rett til å bruke denne adelege tittelen.

Han voks opp i Frankrike og Vietnam, og studerte både i Paris, Saigon og Hong Kong. Frå 1959 til 1962 gjorde han militærteneste i den franske hæren i Algerie, og deretter arbeidee han som sekretær ved den franske ambassaden i London fram til 1967.

Den 10. juni 1967 gifta han seg med prinsesse Margrethe, den danske tronfylgjaren. Det franske namnet Henri vart gjort om til det danske Henrik, og han fekk tittelen prins av Danmark. Frå Margrethe vart dronning i 1972, har han voreprinsgemal, men denne tittelen har sjelden vore nytta. I 2005 opplyste dronninga og prinsen at han skal ha tittelen prinsgemalen.

Prins Henrik er far til kronprins Frederik (fødd i 1968) og prins Joachim (fødd i 1969).

Prinsgemalens morsmål er fransk, men han talar òg flytande dansk, engelsk, kinesisk og vietnamesisk.

Han har omsett fleire bøker frå fransk til dansk, og har òg gjeve ut nokre samlingar av Dikt.