Michael Laudrup
Frå Wikipedia – det frie oppslagsverket
Michael Laudrup (f. 15. juni 1964) er ein tidlegare dansk fotballspelar, no fotballtrenar. Han er son av fotballspelaren Finn Laudrup og bror til fotballspelaren Brian Laudrup.
Michael Laudrup debuterte for den danske klubben KB, gjekk i 1982 til byrivalen Brøndby IF. Året etter gjekk han til italiensk klubbfotball. Dei to fyrste sesongane spelte han i klubben Lazio. I 1985 vart han overført til Juventus, også Italia. Åra 1989-96 spelte han i dei spanske klubbane FC Barcelona og Real Madrid, høvesvis fem og to sesongar. I fem av dei sju sesongane i Spania var han med å vinne serimeisterskapet. Deretter spelte han ein sesong i Japan. Til sist, 1997/98-sesongen, spelte han på nederlandske Ajax Amsterdam. Det enda med både seriegull og cupmeisterskap.
Laudrup spelte 104 A-landskampar for Danmark. Han debuterte på 18-årsdagen i 1982 og spelte sin siste landskamp mot Brasil i kvartfinalen i VM i 1998. Totalt skåra han 37 landslagsmål. Grunna ei konflikt med den dåverande landslagstrenaren Richard Møller-Nielsen var han ikkje med på å vinne Danmarks einaste store internasjonale trofé – EM 1992.
Michael Laudrup vann det italienske mesterskapet ein gong (1986), det spanske meisterskapet fem gongar (1991–1995) og det nederlandske meisterskapet ein gong (1998)
Han spelte på Barcelona, då denne klubben vann Europacupen i 1992.
Fleire har vurdert han til å vere den aller beste fotballspelaren som har kome frå Skandinavia.
I 2000 vart han av landslagstrenaren Morten Olsen hyra som assistenttrenar for det danske landslaget.
Frå våren 2002 og inntil mai 2006 var han sjefstrenar for Brøndby IF.
[endre] Klubbkarriere
- 1980-1982: Kjøbenhavns Boldklub, Danmark
- 1982-1983: Brøndby IF, Danmark
- 1983-1985: SS Lazio, Italia
- 1985-1989: Juventus, Italia
- 1989-1994: FC Barcelona, Spania
- 1994-1996: Real Madrid, Spania
- 1996-1997: Vissel Kobe, Japan
- 1997-1998: Ajax Amsterdam, Nederland
[endre] Trenarkarriere
- 2000-2002: Assistenttrenar for det danske landslaget.
- 2002-2006: Sjefstrenar i Brøndby IF (saman med John «Faxe» Jensen)
