Kalevala
Frå Wikipedia – det frie oppslagsverket
Kalevala er eit finsk episk dikt nedskrive av Elias Lönnrot i fyrste del av 1800-talet. Kalevala byggjer på finske segner. Det vert ofte kalla Finland sitt nasjonalepos og er eit av dei viktigaste finske litterære verk. Kalevala vert sagt å ha inspirert den finske nasjonalismen som til sist førde til landet sitt sjølvstende frå Russland i 1917. Namnet tyder «Kalevas land».
Verket vart omsett til nynorsk av Albert Lange Fliflet i 1967. I 2006 vart det utgjeve ein illustrert attforteljing ved Mikael Holmberg.