Frøylandsvatnet
Frå Wikipedia – det frie oppslagsverket
: Sjå òg Frøylandsvatnet i Sandnes
| Frøylandsvatnet | |
|---|---|
 |
|
| Stad | Klepp, Time (Rogaland) |
| Koordinatar | Koordinatar: |
| Overflateareal | 4,83 km² |
| Kystlengd1 | 24,10 km |
| Høgd over havet | 24 moh |
| 1 Kystlengd er eit unøyaktig mål som kanskje ikkje er standardisert for denne artikkelen. | |
Frøylandsvatnet er ein innsjø i landskapet Jæren. Grensa mellom kommunane Klepp og Time i Rogaland fylke går gjennom vatnet. Tettstadene Bryne, Klepp stasjon og Kvernaland ligg alle ved Frøylandsvatnet.
Som Frøylandsområdet rundt er vatnet kalla opp etter den norrøne guden Frøy.
Innhaldsliste |
[endre] Økologi
Tidleg på 1980-talet blei innsjøen identifisert som eit av dei mest overgjødsla i Noreg. Giftige alger som vaks på grunn av dette førte mellom anna til at fleire kyr som drakk av vatnet døydde. Aksjon Frøylandsvatnet blei danna for å jobba med problemet. Vatnet ligg midt i eit intensivt landbruksområde.
Utsleppa av næringsmiddel som nitrogen og fosfor er blitt reduserte, men oppsamla sediment i den grunne innsjøen gjer at tiltaka ikkje har hatt så stor verknad.
[endre] Kultur
[endre] Historie
Ei soge frå vikingtida fortel at Astrid frå Obrestad, svanger med Olav Tryggvason, gøymde seg på ein holme i vatnet då mannen hennar Tryggve Olavsson blei drepen i kamp og ho sjølv blei forfølgd av Eiriksønene. Ei segn seier at den framtidige kongen vart fødd på Lalandsholmen. Det er sett opp ein minnestein ved turvegen om dette.
[endre] Idrett
Frøylandsvatnet rundt er eit løp på 16,6 km som blir arrangert årleg. Det blir òg halde ulike rokonkurransar i sjølve vatnet. På vinteren, når tilhøva er gode, er det mogeleg å gå på skeiser frå Bryne til Kvernaland.
