Klepp stasjon
Frå Wikipedia – det frie oppslagsverket
Klepp stasjon er ein togstasjon på Jærbanen i Rogaland fylke. Klepp stasjon er óg namnet på tettstaden som ligg i området rundt stasjonen. Klepp stasjon ligg 3 kilometer aust for Kleppe, som er administrasjonssenter i Klepp kommune på Jæren.
Klepp stasjon ligg 24,84 kilometer frå Stavanger på Sørlandsbanen sin kilometer 573,94.
Staden kom til då Jærbanen vart bygd i 1878. Traseen for banen blei lagd langs Frøylandsvatnet, og då vart ein stasjon i Kleppe for stor omveg. Stasjonen vart difor lagd langs vatnet, og ein tettstad med ulik industri, slik som potetmjølfabrikk, iskremfabrikk og trevareindustri vaks etter kvart opp rundt stasjonen.
