Dukkpetrellfamilien

Frå Wikipedia – det frie oppslagsverket

Dukkpetrellfamilien
Humboldtdukkpetrell Pelecanoides garnotii
Systematikk
Rike:	Animalia
Rekkje:	Chordata
Klasse:	Aves
Orden:	Procellariiformes
Familie:	Pelecanoididæ Lacépède, 1799
Artar i Noreg

Dukkpetrellar (Pelecanoididæ) er ei gruppe av sjøfuglar som saman med albatrossfamilien, stormsvalefamilien og stormfuglfamilien utgjer ordenen stormfuglar, Procellariiformes.

Det er til saman fire artar i denne familien, alle i slekta Pelecanoides. Dette er alkefuglliknande små petrellar som lever på sørlege hav. Dei er meir tilpassa livet i havet i enn i lufta over sjøen som andre stormfuglar er. To av dei fire artane i familien, humboldtdukkpetrell og magellandukkpetrell, har eit svært avgrensa leveområde, ved kysten av Sør-Amerika, medan dei to andre artane kortnebbdukkpetrell og smalnebbdukkpetrell har eit vidt leveområde i hava i sør, dei hekkar på New Zealand, sub-antarktiske øyar i Det indiske havet og øyar i det Sør-Atlanteren som Tristan da Cunha.

Føda til dukkpetrellane er plankton, skaldyr og byttedyr som for eksempel kril, hoppekreps og tanglopper, han tar òg småfisk og blekksprut. Dei har fleire tilpassingar for å vere gode fiskarar som korte kraftige venger, ein strupepose for lagring av mat, og nasebora har opning opp heller enn fram som på andre stormfuglar.

Dukkpetrellane er kolonirugarar på øyar. Dei legg eitt kvitt egg i ei hòle i mjuk jord. Dei er nattaktive. Perioden frå klekking til ungane kjem på vatnet er på rundt 45 - 60 dagar, men når ungane er komne ut på havet kan dei klare seg på eige hand.

To artar i dukkpetrellfamilien er blant dei mest talrike i verda, kortnebbdukkpetrell og smalnebbdukkpetrell har fleire millionar par kvar. Humboldtdukkpetrellen derimot er trua av guanoutvinning, introduserte artar og klimaendringar, og er oppført som ein truga art.

Dei fire artane er: