Dnestr

Frå Wikipedia – det frie oppslagsverket

Dnestr
Dnestr ved Tiraspol
Utspring	Dei ukrainske Karpatane
- Høgd	1000 m
Munning	Svartehavet
Land i nedslagsfelt	Ukraina, Moldova
Lengd	1 362 km
Middelvassføring	310 m³/s
Nedslagsfelt	72 100 km²

Dnestr (ukrainsk Дністер, Dnister; rumensk Nistru) er ei elv i Ukraina og Moldova med ei lengd på 1 362 km.

Innhaldsliste 1 Namn 2 Geografi 3 Sideelvar 4 Byar 5 Fotnotar 6 Bakgrunnsstoff 7 Kjelde

[endre] Namn

Namnet Dnestr kjem frå det sarmatianske (iranske) *Dānu nazdya «den nærliggjande elva».^[1]. Til samanlikning tyder Dnepr «den fjerntliggjande elva». Det eldre namnet Tyras er frå det skytianske *tûra, som tyder «rask».

På russisk heiter elva Днестр (Dnestr), på rumensk Nistru, på jiddisk: Nester - נעסטער; på tyrkisk, Turla og under antikken vart ho kalla Tyras på latin og Danastris på gresk. Forfattarar i antikken har òg kalla ho Danaster.

[endre] Geografi

Ho har utspringet sitt i Ukraina, nær Drohobytsj og ikkje langt frå grensa til Polen. Frå her renn ho i retning mot Svartehavet. Eit kort stykke dannar ho grensa mellom Ukraina og Moldova, før ho renn vidare gjennom Moldova i 398 km der store delar av lengda hennar dannar grensa mot området Transnistria. Seinare dannar ho igjen grensa mellom Moldova og Ukraina før ho renn inn i Ukraina igjen og ut i Svartehavet, der estuaret hennar dannar Dnestr Liman.

I dei nedre delane av elva er vestsida av ho høg og åslendt, medan austsida er låg og flat. Elva dannar den eigentlege austlege grensa til Den asiatiske steppa. Dei viktigaste sideelvane hennar er Răut og Bîc.

Før den andre verdskrigen danna Dnestr grensa mellom Romania og Sovjetunionen. I løpet av krigen vart det utkjempa slag på venstre sida av elva med Tyskland og Romania mot Sovjetunionen.

[endre] Sideelvar

Av sideelvar på høgre sida finn ein Răut, Ikel, Bîc og Botna, medan sideelvar på venstre er Zolota Lypa (140 km), Koropets, Dzjuryn, Seret (250 km), Zbrutsj (245 km), Smotrytsj (169 km), Usjytsia (112 km), Kalius, Liadova, Murafa (162 km), Rusava, Jahorlyk (173 km) og Kutsjurhan (123 km).^[2]

[endre] Byar

Den største byen ved Dnestr er Tiraspol i Transnistria i Moldavia.

• I Ukraina:
  • Starij Sambir, Sambir, Novij Rosdil, Tsjydatsjiv, Tjodoriv, Halytsj, Jesupil, Horodenka, Salisjtsjykij, Tsjotyn, Novodnistrovsk, Sokyriany
• På grensa mellom Ukraina og Moldova:
  • Otatsi, Mohyliv-Podilskyj, Jampil, Sorotsa
• I Moldova:
  • Otaci, Soroca, Camenca, Rîbniţa, Dubăsari, Grigoriopol, Tighina, Tiraspol, Slobozia, Crasnoe, Dnestrovsc
• Ved byrjinga av:
  • evd Bilhorod-Dnistrovskij

[endre] Fotnotar

[endre] Bakgrunnsstoff

• Kart over nedslagsfeltet til Dnestr (PDF)
• Dniester.org: eit internasjonalt elveprosjekt
• eco-tiras.org
• Biletgalleri

[endre] Kjelde