Bernd Schneider
Frå Wikipedia – det frie oppslagsverket
Bernd Schneider, fødd 17. november 1973 i Jena i Thüringen i det dåverande DDR, er ein tysk fotballspelar. Pr. juni 2006 spelar han for Bayer Leverkusen. I 2000 og 2002 var han med å koma på 2.plass i tysk bundesliga med Bayer Leverkusen. I 2002 var han med å koma på andre plass med det tyske landslaget i fotball-VM i Japan og Sør-Korea.
"Schnix", som han vert kalla, er ein allsidig spelar, som i tillegg til sin vanlige plass på høgre kant av midtbanen òg kan spela sentralt og defensivt på midtbanen og i forsvar. Som sterk teknisk spelar hjelper han lagkameratane til å koma i scoringsposisjon, sjølv om han sjølv sjelden avsluttar.
Innhaldsliste |
[endre] Klubbkarriere
Schneider begynte å spela fotball seks år gamal for klubben Aufbau Jena. Tre år seinare skifta han klubb til den best kjente klubben i området, FC Carl Zeiss Jena. Der spelte han på aldersbestemte lag til han 13. august 1991 gjorde sin proffdebut, 17 år gamal, i 2. bundesliga. I 1994/95-sesongen vart han fast inventar på laget. Etter 1997/98-sesongen, så Carl Zeiss Jena kom på 2. plass i 2. bundesliga, gjekk Schneider til nyopprykte Eintracht Frankfurt i 1. bundesliga.
I Frankfurt vart Schneider straks fast på laget. Han scora fire mål og hjelpte laget med å sikra plassen i 1. bundesliga, men sjølv gjekk han etter ein sesong til storklubben Bayer Leverkusen.
Den første sesongen i Leverkusen (1999/2000) starta han som fast inventar på laget, men mista plassen mot slutten av sesongen. I 2001/2002-sesongen fekk han gjennombrotet sitt i Leverkusen med fast plass på laget og fem mål. Seinare har Schneider vore ein av Leverkusen sine aller viktigaste spelarar. Han har kontrakt med klubben ut sesongen 2008/2009.
[endre] Landslaget
Schneider har spelt 64 landskampar og scora eit mål for det tyske landslaget (pr. 2. juni 2006). Landslagsdebuten kom 28. juli 1999 i ein 2-0-siger over New Zealand i Guadalajara i Mexico. Han kom ikkje med i troppen til fotball-EM i 2000. I VM 2002 var han derimot med på laget som kom til finalen i VM, der han spelte ein av sine beste kampar nokonsinne mot Brasil. To år seinare var han òg med på EM i Portugal. 21. juni 2005 var han for første gong kaptein på landslaget, i ein kamp mot Argentina i konføderasjonscupen. Til VM 2006 på heimebane er han igjen med i landslagstroppen.
[endre] Statistikk (pr. 2. juni 2006)
[endre] Landslaget
- 64 landskampar, 1 mål
- 2. plass i VM 2002
- 3. plass i konføderasjonscupen 2005
- Deltaking i EM 2004 og konføderasjonscupen 1999
[endre] Klubblag
- 2x sølvmedalje i tysk bundesliga (2000, 2002)
- 1x tysk cupfinalist (2002)
- 249 bundesligakampar og 33 mål for Bayer Leverkusen (216/29) og Eintracht Frankfurt (33/4)
- 124 kampar i 2. bundesliga og 14 mål for FC Carl Zeiss Jena
- 34 regionalligakampar og 7 mål for FC Carl Zeiss Jena
[endre] Internasjonale klubbmeisterskap
- Champions-League-finalist 2002
- Champions-League-åttendedelsfinalist 2003 og 2005
- 56 europacupkampar og 5 mål for Bayer Leverkusen i Champions-League (50/5) og UEFA-cup (6/0)
[endre] Eksterne kjelder
- Bernd Schneider si offisielle nettside (på tysk)
- Leverkusen who's who (på tysk)
