Lübeck
Vun Wikipedia
Lübeck is en ole Hansestadt in Sleswig-Holsteen. Lübeck liggt an de Traav un hett 215.000 Inwahners.
Inholtsverteken |
[ännern] Geographie
De ole Stadt liggt op en Insel in de Traav. To Lübeck höört ok Traavmünn, wat en Seebad is. De Haven vun Lübeck maakt Hannel besünners na de Länner langs de Oostsee. Vun Traavmünn gaht Fährscheep na Trelleborg.
[ännern] Geschichte
De Naam kümmt vun dat ole slaavsche Liubicen, en Steed, vun de al Adam vun Bremen 1076 vertellt hett. Hinnerk de Leuw, Hertog vun Sassen, hett denn de Stadt Lübeck dor grünnt, wo se hüüt liggt. Dat weer 1159. Denn hett Lübeck gau Opswung nahmen un driev besünners Hannel langs de hele Ostseekant. Lübsche Kooplüüd sluten sik to Hansen tosamen. Un later maak de Stadt Lübeck den Anfang för de Hanse as Bund vun Städer. Hamborg weer de Noordsee-Haven för Lübeck un Lübeck de Oostsee-Haven för Hamborg. Dorüm harrn de Städer ok in dat 14. Johrhunnert en Kanal twüschen Alster un Traav maakt (Alster-Beste-Kanal). De hett dat aver nich lang maakt un dat lütte Stück twüschen Alster un Traav weer denn mit Ossenkarrn maakt. Aver na de Ilv harrn se denn den Stecknitz-Kanal boot, de na Lauenborg güng.
[ännern] Wichtige Lüüd
[ännern] Lüüd, de in Lübeck born weern
- 1871, 27.März, Heinrich Mann, Schriever, Broder vun Thomas Mann
- 1875, 6.Juni, Thomas Mann, Schriever, Dreger vun den Nobelpries för Literatur
- 1880, 5. August, Hermann Lüdemann, † 25. Mai 1959 in Preetz, Politiker (SPD), Ministerpräsident von Sleswig-Holsteen (1947-1949), Minister in Preußen und Sleswig-Holsteen
- 1913, 18. Dezember, Willy Brandt, † 8. Oktober 1992 in Unkel an’n Rhien, Politiker (SPD), Bundskanzler (1969-74) un Butenminister (1966-1969) vun’n Bunnsrepubliek Düütschland, Vörsitter vun de SPD (1964-1987)
- 1939, 9. November, Björn Engholm, Politiker (SPD), Bundsminister vun'e Bundsrepubliek Düütschland (1981-1982), Ministerpräsident vun Sleswig-Holsteen (1988-1993), Vörsitter vun de SPD (1991-1993)
