Harry Potter and the Goblet of Fire (Film)

Vun Wikipedia

Harry Potter and the Goblet of Fire (dt.: Harry Potter und der Feuerkelch) is de Verfilmen vun den glieknöömten Roman vun de britsche Schrieversche Joanne K. Rowling, de in dat Johr 2005 ünner den Speelbaas Mike Newell dreiht worrn is un an’n 6. November 2005 in London ooropföhrt worrn is. Weltwiet hett de Film ruchweg 890 Miollionen US-Dollar inspeelt un höört dormit to de spoodrieksten Filmen. Alleen in Düütschland geev dat üm un bi acht Millionen Tokiekers in de Kinos.

Inholtsverteken 1 Inholt 2 Kritiken 3 Utteken 4 Anners wat 5 Borns 6 Literatur 7 Weblenken

[ännern] Inholt

De veerte Deel vun de Harry Potter-Reeg fangt mit de Weltmeesterschap in’n Quidditch an. De dree jungen Töverers Harry, Hermine un Ron warrt vun Rons Vadder Weasley dorto inlaadt, tosamen mit noch mehr Weasleys un Frünnen. Man, as de Meesterschap so in Gang is, warrt dat Feld mit de Telten un Ünnerkünften vun düstere Gestalten angrepen, de sik as Liddmaten vun de Doodeters – Anhangers vun Lord Voldemort – rutstellt un de Gesselligkeit op’n Slag tonichten maakt.

Torüch in de Tövererschool Hogwarts geiht dat ok üm en Wettstriet, as Hogwarts in dit Johr Utrichter vun dat Trimagische Turneer wesen schall. In dissen Sinn reist Delegatschonen vun twee wietere Tövererscholen an, de sik ünnerenanner meten schüllt. Dat een is de Deernsschool ünner dat Regeer vun Madame Maxime, wiel de annere School ünner Igor Karkaroff teemlich martialisch optreden deit. Elk schall een Schöler bestimmen, de jemehr School vertreden deit. De Utwahl, wokeen dat för jede School wesen schall, maakt de so nöömte Füerkelch. Man, as de Kandidaten bestimmt warrn schüllt, speet de Kelch op eenmol veer Naams ut, dorünner uk den vun Harry, de gor nich weet, wat em passeert. He seggt, dat he sik gor nich to Wahl stellt harr, man Ron glöövt em dat nich un vermoodt, dat he sik wichtig doon will.

De Wettstriet wiest sik as gefährlich, man na un na mööt de Deelnehmers jemehr Opgaven angahn. Blangento leggt de Film aver ok en Sworpunkt op de twüschenminschlichen Geföhlen, mit de junge Lüüd so to schapen hebbt, wenn se langsom öller warrt. Se gifft dat en Wiehnachtsball, bi den se dansen mööt. As so vele Jungen lüüd, fallt Harry un Ron dat nich licht, en Deern to fragen, wat se mit jem op’n Ball gahn wüllt. Un de Fründschap twüschen Hermine, Ron un Harry warrt dorbi böös op de Proov stellt. Man, se finnt wedder tosamen, as de Gefahr wassen deit.

An’n Enn vun den Wettstriet geiht aver wat nich sien rechten Gang. In en groot Labyrinth kamt Cedric un Harry, de beieden Deelnehmers vun Hogwarts gemeensom an’n Pokal an, man op mol finnt sik de beiden ganz woanners wedder, as de Doodeters neemlich Harry vör en Ritual bruken doot un se dat Turneer as Tarnen bruukt hebbt. Cedric kummt bi dat Openeendrapen üm, un Lord Voldemort kriggt dör dat Ritual en – noch nich vullkamen – minschlich Gestalt torüch. Allen dör de Help vun sien Öllern, de in’n geist bi em sünd, kann he an’n Enn överleven un sik redden.

[ännern] Kritiken

Liekers, dat de Film an eenige Steden – sünners de Beleevnissen ründ üm de Quidditch-Weltmeesterschap – bannig kört worrn is, is en verständlichen Film dorut woorn. As de Speelbaas seggen dee, weer dat nich andacht, ut den Film en Kinner- oder Määrkenfilm to maken, man dat schüll en Thriller warrn, de blangento dat Geföhlsdilemma twüschen Ron un Harry un twüschen de Jungs un de Deerns in’t Vörfeld to’n Wiehnachtsball düütlich maken schall. Liekers sünd aver ok en poor ne’e Szenen toföögt worrn, as to’n Bispeel de Danskurs as Vörbereiten op den Ball.

• De Stern schrifft: „‚Harry Potter und der Feuerkelch‘ ist eben nicht nur ein Gruselfilm, sondern erzählt auch eine andere Geschichte: die der leidenden, pubertierenden Teenager. Die seltenen Momente, die die Beziehung der Protagonisten untereinander behandeln, sind liebevoll und zum Brüllen komisch. Tanzstunden sind für Jungen eine Qual, und dann noch mit der alten Lehrerin – schlimmer geht’s nicht. Die erste Liebe ist unbeholfen, aufregend und irgendwie lächerlich – Regisseur Newell versteht es, diesen Zustand umzusetzen. Treue Potter-Film-Fans haben im Übrigen große Freude an den körperlichen Veränderungen der Hauptdarsteller – die breiten Kreuze, die Muskeln und der beginnende Bartwuchs sind deutlich sichtbar. Immerhin hatten Daniel Radcliffe und Co. seit dem ersten Film fünf Jahre Zeit, zu wachsen.“^[1]

• Cinema: „Während seines vierten Jahres auf der Zauberschule Hogwarts muss Harry einige lebensgefährliche Prüfungen überstehen. Das wird zum Teil so drastisch gezeigt, dass Kinder in diesem Film rein gar nichts verloren haben.“ ^[2]

• Der Spiegel: „Magische Kelche, feuerspeiende Drachen, böse Zauberer – alles schön und gut. Was aber könnte verhexter sein als die Pubertät? In Mike Newells Adaption des vierten Harry-Potter-Bandes kämpft der Jungmagier für Liebe und Anerkennung – und gegen sein Image. “^[3]

[ännern] Utteken

De Film is för tosamen 38 Filmpriesen nomineert worrn, dorünner ok för Oscar in de Kategorie: Best Szenenbild. Uttekent worrn is he mit negen Priesen:

• 2005: de Sierra Award in de Kategorie Best Familienfilm
• 2006: de Golden Trailer in de Kategorie Beste Animatschoon/Familienfilm
• 2006: de Sünnerpries vun de Empire Awards för’n Sünneren Bidrag to’n britschen Film
• 2006: de BAFTA Award in de Kategorie Best Szenenbild för Stuart Craig
• 2006: de Golden Reel Award in de Kategorie Best Toonsnitt in’n utlännschen Speelfilm
• 2006: de ASCAP Award in de Kategorie Filmmusik – Top Box Office Films för Patrick Doyle
• 2006: de NRJ Ciné Award
• 2006: de Teen Choice Award in de Kategorie Film - Choice Drama
• 2006: de Blimp Award vun de Kids’ Choice Awards in de Kategorie An’n leefsten sehn Film

[ännern] Anners wat

• För de velen Szenen ünner Water müüs Daniel Radcliff duken lehren un ruchweg een Maand in en söss Meter deepen Bluescreen-Duukkasten filmen. He kreeg to’n Afsluss vun sien Duukschollmeesters en Logbook schenkt, woneem all sien tweeunveertig Duukgäng vertekent weern.
• De Töverer-Rockband Weird Sisters, de bi’n Wiehnachtsball opspeelt, weer mit den Pulp-Frontmann Jarvis Cocker, un mit Phil Selway un Jonny Greenwood, twee Musikers vun Radiohead besett. Rowling hett för den Optritt ehr Verlööf geven. In den Film is aver blots en sneden Faten vun de Szeen to sehn.
• En wichtige Szeen fehlt in’n Film, de vör’t Verkloren vun’n Moord an Barty: Barty sütt „Mad-Eye“ Moody, as de Veelsaftdrunk weddermol sien Wirken verlütt, mit sien tyypschen Tungenslag as’n Slang. Man dat weer dat Markmol vun sien egen Jungen, de as Anhanger vun de Doodeters ut Askaban utneiht weer.

[ännern] Borns

1. ↑ Stern: Fürchtet euch, ihr Zauberkinder
2. ↑ Cinema: Harry Potter und der Feuerkelch
3. ↑ Spiegel: Die Bürde des Auserwählten

[ännern] Literatur

• Joanne K. Rowling: Harry Potter und der Feuerkelch. Carlsen, Hamborg 2000, ISBN 978-3-551-55193-1.
• Sabine-Michaela Duttler: Die filmische Umsetzung der Harry Potter-Romane. Dr. Kovač, Hamborg 2007, ISBN 978-3-8300-3314-1.

[ännern] Weblenken

• Harry Potter and the Goblet of Fire (Film) in de Internet Movie Database
• Presseschau to’n Film op film-zeit.de
• Studie un Artikel to’n Film
• Harry Potter and the Goblt of Fire bi Kino.de
• Billert Rezension to de Dubbel-DVD-Editschoon