Coesfeld

Vun Wikipedia

Coesfeld is en westfälsche Kreisstadt mit ca. 35.000 Inwahners in't Mönsterland in den noorden Deel vun Noordrhien-Westfalen. 809 predigte de Bischop Liutger an den Dag vör sien Dood in en Coesfelder Kark.

Coesfeld kreeg 1197 de Stadtrechten vun de Bischop vun Mönster un weer inst de Residenz vun de Bischop vun Mönster. Dat Kloster Werden un ok de Grafen vun Cappenberg harrn hier en Hoff.

An den Markt steiht nich blots dat Roothuus, män ok twee kathoolsche Karken: De Lambertikark un de St. Jakobi-Kark. In de ehrdem gotische Lambertikark steiht dat Coesfelder Krüüz ut dat Meddeloller un de gotisch Apostelfiguren vun Johann Düsseldorp. In Coesfeld gifft dat ok de Jesuitenkark St. Ignatius, wat en groten Saalbo in en Mischmasch vun Gotik un Barock ut dat 17. Johrhunnert is. In de Jesuitenkark steiht de Hoochaltar, de inst in de Soester Minoritenkark vun 1668 weer.

De Stadt worr in den April 1945 to 80% kaputt maakt. De Lambertikark un de St. Jakobi-Kark worrn no den Krieg wedder upboot. Dat Stadtmuseum is in't Walkenbrüggendor an den Mölenplatz. Ok de Pulvertorm steiht noch. Dat fröhere Jesuitenkolleg is no den Krieg wedder upboot worrn.

In Coesfeld gifft dat en Kaserne. Hier gifft dat ok Maschinen- un Holtindustrie. Coesfeld is en ehemaalge Hansestadt.

En Deel vun dat Stadtrebeet liggt in de Baumberge. De Kreis Coesfeld hett en Grenz mit de Stadt Mönster un mit dat Ruhrrebeet. Vun Coesfeld gifft dat Iesenbohnen no Mönster, Dülmen un Lünen. Steder mit en Grenz to Coesfeld sünd to'n Bispeel Dülmen, Billerbiëk un Gescher.