Celle

Vun Wikipedia

Wapen/Flagg

Koort

Basisdaten

Bundsland: Neddersassen

Flach:

176,01 km²

Inwahners:

71.146 (Oktober 2007)

Inwahnerdicht:

404,2 Inwahners pro km²

40 m över NN

29221-29229

05141, 05145, 05086

Koordinaten:52° 22′ N, 10° 3′ O52° 22′ N, 10° 3′ O

Gemeenslötel:

03 3 51 006

Öörd in de Gemeen:

Börgermeester:

Martin Biermann (CDU)

Websteed:

www.celle.de

Celle is en sülvstännige Stadt un Kreisstadt vun den Landkreis Celle. Se liggt tüschen Hannober un Hamborg. De Stadt warrt as süüdlichen Ingang to de Lüünborger heid ansehn. In de Ooltstadt gifft dat bi 480 Fackwarkhüser, de al fein up Schick bröcht wurrn sünd. Allerhand Touristen vun Düütschland, man ok vun dat Utland reist dorhen un kiekt sik de Stadt an. Dor höört ok dat Slott to. Dat is in de Tiet vun de Renaissance un vun dat Barock boot wurrn.

In Celle gifft dat en Överlandsgericht. In Celle is ok dat Landsgestüt. Eenmal in’t Johr find dorüm ok de Celler Hingstparaad statt.

[ännern] Geographie

De Stadt Celle liggt an de Aller in de ehr Oorstroomdaal. Celle liggt bi 40 km noordööstlich vun Hannober, bi 60 km noordwestlich vun Brunswiek un bi 120 km süüdlich vun Hamborg.

[ännern] Strööm

In de Gemarken vun Celle münnt de Lachte un de Fuhse in de Aller. De Lachte kümmt vun Noordoosten her, de Fuhse en beten wieder stroomaf vun Süüdoosten. De Aller münnt amenn bi Veern in de Werser.

[ännern] Stadtdelen

De Stadt is in düsse Stadtdelen updeelt (Inwahnertall vun’n 1. Januar 2005):

Olencelle (4.998), Olenhagen (922), Blaumlage (8.526), Bossel (455), Boie (832), Garßen (2.978), Groten Hehlen (2.773), Hehlendoor (7.974), Hustee (736), Lüttjen Hehlen (5.782), Lachtehusen (639), Nienhusen (8.082), Niestadt/Heese (10.887), Scheuen (1.165), Vorwark (2.842), Westercelle (7.183) un Wietzenbruch (4.805).