സാറാ ബെര്ണാര്ഡ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
സാറാ ബെര്ണാര്ഡ് | |
സാറാ ബെര്ണാര്ഡ് (നാദര് എടുത്ത ചിത്രം) |
|
ജനനപ്പേര് | റോസൈന് ബെര്ണാര്ഡ് |
ജനനം | Paris, France |
മരണം | മാര്ച്ച് 26 1923 (aged 78) |
സാറാ ബെര്ണാര്ഡ് (ഒക്ടോബര് 23, 1844 – മാര്ച്ച് 26, 1923) പാരീസില് ജനിച്ച ഒരു നാടകനടി ആയിരുന്നു. പലപ്പോഴും ലോകചരിത്രത്തിലെ ഏറ്റവും പ്രശസ്തയായ നടി എന്ന് സാറാ ബെര്ണാര്ഡിനെ വിശേഷിപ്പിക്കാറുണ്ട്. 1870-കളില് യൂറോപ്പിലെ രംഗവേദികളില് സാറ പ്രശസ്തയായി. പിന്നാലെ യൂറോപ്പിലും അമേരിക്കയിലും സാറയുടെ നാടകങ്ങള്ക്ക് ആവശ്യമേറി. ഒരു ഗൗരവമുള്ള നാടകനടി എന്ന ഖ്യാതി സാറ സമ്പാദിച്ചു. ദൈവിക സാറ (ഡിവൈന് സാറ) എന്ന ഓമനപ്പേര് സാറാ ബെര്ണാര്ഡിനു ലഭിച്ചു.
[തിരുത്തുക] രംഗ ജീവിതം
സാറയുടെ നാടകജീവിതം 1862-ല് ആരംഭിച്ചു. അന്ന് സാറാ ഫ്രാന്സിലെ ഏറ്റവും പ്രശസ്തമായ നാടകവേദിയായ കോമെഡീ-ഫ്രാന്സ്വായില് ഒരു വിദ്യാര്ത്ഥിനിയായിരുന്നു. എങ്കിലും ഇവിടെ അധികമൊന്നും വിജയിക്കാത്ത സാറാ ഇവിടം വിട്ട് 1865-ല് സ്വന്തമായി ഒരു വിദൂഷിക ആകുവാന് തീരുമാനിച്ചു. ഈ സമയത്താണ് തന്റെ പ്രശസ്തമായ ശവപ്പെട്ടി സാറാ സമ്പാദിക്കുന്നത്. ഒരു മെത്തയ്ക്കു പകരം പലപ്പോഴും സാറാ ഈ ശവപ്പെട്ടിയില് ഉറങ്ങി. ഇത് പല ദുരന്ത കഥാപാത്രങ്ങളെയും മനസ്സിലാക്കുവാന് തന്നെ സഹായിച്ചു എന്ന് പിന്നീട് സാറാ അവകാശപ്പെട്ടു. 1870-കളില് യൂറോപ്പിലെ രംഗവേദികളില് സാറാ പ്രശസ്തയായി. ഇതിനു പിന്നാലെ സാറയുടെ നാടകങ്ങള്ക്കായി ജനങ്ങള് ആവശ്യപ്പെടാന് തുടങ്ങി. [1]സാറ പക്വതയുള്ള ഒരു നടി എന്ന പ്രശസ്തി സമ്പാദിച്ചു. പല നാടകനടിമാരെയും ലിയാന് ദ് പൂജി എന്ന വിദൂഷികയെയും സാറ പരിശലിപ്പിച്ചു.