മലയാള കലാഗ്രാമം
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തിലെ കണ്ണൂര് ജില്ലാ ആസ്ഥാനത്തിന് 29 കിലോമീറ്റര് അകലെ ന്യൂ മാഹിയില് മയ്യഴിപ്പുഴയോരത്ത് സ്ഥിതിചെയ്യുന്ന മലയാള കലാഗ്രാമം (മകം) കലാപഠനത്തിനും സാംസ്കാരികസംവാദങ്ങള്ക്കുള്ള വേദിയുമാണ്. മലയാളസാഹിത്യത്തിലെ ആധുനികതാപ്രസ്ഥാനത്തിന്റെ നായകനായിരുന്ന എം.ഗോവിന്ദന്റെ ആശയങ്ങള് കലാഗ്രാമം എന്ന സങ്കല്പത്തെ രൂപപ്പെടുത്തുന്നതില് ഗണ്യമായ പങ്ക് വഹിച്ചിട്ടുണ്ട്.
ഉള്ളടക്കം |
[തിരുത്തുക] പ്രാരംഭം
മദിരാശിയിലെ വ്യവസായിയും ന്യൂമാഹിക്കടുത്ത ചൊക്ലി സ്വദേശിയുമായ ഏ.പി.കുഞ്ഞിക്കണ്ണനാണ് മലയാള കലാഗ്രാമത്തിന്റെ സ്ഥാപകന്.ഏ.പി.കെ.ട്രസ്റ്റിന്റെ ഉടമസ്ഥതയിലുള്ള ഈ സ്ഥാപനം പ്രവര്ത്തനം ആരംഭിക്കുന്നത് 1993 ഡിസംബര് 26 നാണ്.[1] ഡോ.സുകുമാര് അഴീക്കോടായിരുന്നു ഉദ്ഘാടകന്. എം.വി.ദേവന് കലാഗ്രാമത്തിന്റെ ഡയറക്ടറാണ്.
[തിരുത്തുക] പ്രവര്ത്തനം
ഡയറക്ടര്,റജിസ്ട്രാര്,ഫ്രറ്റേര്നിറ്റി സെന്റര് മേധാവി എന്നിവരാണ് കലാഗ്രാമത്തിന്റെ ദൈനംദിനഭരണം നിര്വ്വഹിക്കുന്നത്. സംഗീതം,നൃത്തം,നൃത്തം,ചിത്രം,ശില്പം എന്നീ വിഷയങ്ങള് പരിശീലിപ്പിക്കാന് സ്ഥിരം അദ്ധ്യാപകര് നിയമിക്കപ്പെട്ടിട്ടുണ്ട്. ഇതിനു പുറമെ വിസിറ്റിംഗ് അദ്ധ്യാപകരും ക്സാസ്സുകള് കൈകാര്യം ചെയ്യുന്നു. ഫ്രറ്റേര്നിറ്റി സെന്ററിനു കീഴില് സാഹിത്യം,സിനിമ,യോഗ എന്നിവയ്ക്ക് സംവാദവേദികള് ഉണ്ട്. കലാപരിപാടികള് അവതരിപ്പിക്കാനും സെമിനാറുകള് നടത്താനുമായി എം.ഗോവിന്ദന് സ്മാരകമായി മനോഹരമായ ഒരു ഓഡിറ്റോറിയവും കലാഗ്രാമത്തിലുണ്ട്.പ്രമുഖ ചിത്രകാരന്മാരുടെ രചനകള് ഉള്ക്കൊള്ളുന്ന ഒരു ഗ്യാലറിയും കലാവസ്തുക്കളുടെ വില്പനയ്ക്കായി മറ്റൊരു ഗ്യാലറിയും കലാഗ്രാമത്തിലുണ്ട്.
[തിരുത്തുക] പാഠ്യപദ്ധതി
സാമ്പ്രദായികമായ കലാപരിശീലനത്തിന്റെ രീതിയില് നിന്നു മാറി അഭിരുചിയുള്ളവര്ക്കെല്ലാം കലാപരിശീലനം നേടാവുന്നരീതിയിലാണ് കലാഗ്രാമത്തിന്റെ പഠനം ചിട്ടപ്പെടുത്തിയത്. ഏതെങ്കിലും പരീക്ഷയ്ക്കു വേണ്ടിയുള്ള പരിശീലനമല്ല അതിനാല് ഇവിടെ നടക്കുന്നത്.ആറു വയസ്സു മുതല് പ്രായമുള്ളവര്ക്ക് വിദ്യാര്ത്ഥികളായി പ്രവേശനം നേടാം. പാര്ട് ടൈം കോഴ്സുകളാണ് നടത്തുന്നത്.ആഴ്ചയില് മൂന്നു ദിവസമാണ് ഓരോ ബാച്ചിനും ക്ലാസ്സുകള് ഉണ്ടാവുക.ചിത്ര-ശില്പകലകളില് ക്ലാസ്സുകള് ഏറെക്കുറേ സ്വതന്ത്രപരിശീലനമാണ്. സംഗീതം,നൃത്തം എന്നിവയില് ചിട്ടയായ പരിശീലനം നല്കുന്നു. കോഴ്സുകളായി തിരിച്ചിട്ടുള്ള പരിശീലനം പൂര്ത്തിയാക്കുന്നവര്ക്ക് സര്ട്ടിഫിക്കറ്റ്,അഡ്വാന്സ്ഡ് സര്ട്ടിഫിക്കറ്റ് എന്നിവ നല്കുന്നു.
[തിരുത്തുക] അദ്ധ്യാപകര്
സ്ഥിരം അദ്ധ്യാപകര്ക്കു പുറമെ സന്ദര്ശകാദ്ധ്യാപകരും പരിശീലനപരിപാടികളില് പങ്കെടുക്കുന്നു.വിവിധകാലങ്ങളില് അദ്ധ്യാപകരായിരുന്നവര് വിഭാഗം തിരിച്ച് ചുവടെ
[തിരുത്തുക] സംഗീതം
കൊട്ടാരക്കര ശിവകുമാര് - ശാസ്ത്രീയ സംഗീതം വായ്പാട്ട്.(ഇപ്പോള് ഇല്ല) ഷീജാ ശിവകുമാര് - ശാസ്ത്രീയ സംഗീതം വായ്പാട്ട്.(ഇപ്പോള് ഇല്ല) വി.വി.രാജേഷ് - വയലിന് പയ്യന്നൂര് രാജന് - മൃദംഗം ലാലു സുകുമാരന് -ശാസ്ത്രീയ സംഗീതം വായ്പാട്ട്.
[തിരുത്തുക] നൃത്തം
കലാക്ഷേത്ര ഗണപതി - ഭരതനാട്യം.(ഇപ്പോള് ഇല്ല) കലാക്ഷേത്ര ഐശ്വരാ ഗണപതി - ഭരതനാട്യം.(ഇപ്പോള് ഇല്ല) കലാക്ഷേത്ര കമലാ ദേവി - ഭരതനാട്യം കലാക്ഷേത്ര പുഷ്പലത - ഭരതനാട്യം.(ഇപ്പോള് ഇല്ല) കലാക്ഷേത്ര സീതാ ശശിധരന് - ഭരതനാട്യം.(ഇപ്പോള് ഇല്ല) പി എന്.വികാസ് - കുച്ചിപ്പുഡി ഷീജാ ശിവദാസ് - കുച്ചിപ്പുഡി
[തിരുത്തുക] ചിത്രകല
ജി.രാജേന്ദ്രന് - വിസിറ്റിംഗ് പ്രൊഫസര് ബാലന് താനൂര് (ഇപ്പോള് ഇല്ല) വത്സരാജ് (ഇപ്പോള് ഇല്ല) സുരേഷ് കൂത്തുപറമ്പ് പൊന്മണി തോമസ് (ഇപ്പോള് ഇല്ല) കെ.ആര്.ബാബു. ചുമര്ചിത്രം
[തിരുത്തുക] യോഗ
യോഗാചാര്യ വാസുദേവ്
ഓരോ കലാരംഗത്തിലെയും പഴയതും പുതിയതുമായ സമ്പ്രദായങ്ങളുമായി പരിചയപ്പെടുവാന് കലാഗ്രാമത്തിലെ വിദ്യാര്ത്ഥികള്ക്കു കഴിയുന്നു. കലയുടെ ചരിത്രവും സാദ്ധ്യതകളുമായി ബന്ധപ്പെടുവാനും കലയെ നിത്യജീവിതത്തിന്റെ ഉന്നമനത്തിനായി ഉപയോഗിക്കുവാനും കലാഗ്രാമം വിദ്യാര്ത്ഥികളെ പരിശീലിപ്പിക്കുന്നു.
[തിരുത്തുക] എത്തിച്ചേരാനുള്ള വഴി
ഏറ്റവും അടുത്തുള്ള റെയില്വേ സ്റ്റേഷന്: മാഹി ഏറ്റവും അടുത്തുള്ള വിമാനത്താവളം: കരിപ്പൂര് അന്താരാഷ്ട്ര വിമാനത്താവളം, കോഴിക്കോട് - ഏകദേശം 64 കിലോമീറ്റര് കിഴക്ക്.
[തിരുത്തുക] പ്രമാണാധാരസൂചി
- ↑ മലയാള കലാഗ്രാമത്തിന്റെ അഞ്ചു കൊല്ലം,കെ.പാനൂര്,പഞ്ചമം,മലയാള കലാഗ്രാമം,1999
[തിരുത്തുക] പുറത്തുനിന്നുള്ള കണ്ണികള്
കണ്ണൂരിലെ പ്രധാന സന്ദര്ശന സ്ഥലങ്ങള് |
---|
സെന്റ് ആഞ്ജലോ കോട്ട• തലശ്ശേരി കോട്ട• മുഴപ്പിലങ്ങാട് ബീച്ച്• പയ്യാമ്പലം• ഏഴിമല• മലയാള കലാഗ്രാമം• പഴശ്ശി അണക്കെട്ട്• പൈതല് മല• ഗുണ്ടര്ട്ട് ബംഗ്ലാവ്• പറശ്ശിനിക്കടവ് പാമ്പുവളര്ത്തല് കേന്ദ്രം• മാപ്പിള ബേ• പറശ്ശിനിക്കടവ് മുത്തപ്പന് ക്ഷേത്രം• തിരുവങ്ങാട് ക്ഷേത്രം• തൃച്ചംബരം ക്ഷേത്രം• തലശ്ശേരി മോസ്ക്• മടായി മോസ്ക്• കൊട്ടിയൂര്• ജഗന്നാഥ ക്ഷേത്രം• സെന്റ് ജോണ്സ് പള്ളി• അന്നപൂര്ണ്ണേശ്വരി ക്ഷേത്രം• മീന്കുന്ന് കടപ്പുറം• ധര്മ്മടം ദ്വീപ് |