പാബ്ലോ പിക്കാസോ
വിക്കിപീഡിയ, ഒരു സ്വതന്ത്ര വിജ്ഞാനകോശം.
പാബ്ലോ പിക്കാസോ (ജനനം: ഒക്ടോബര് 25, 1881; മരണം: ഏപ്രില് 8, 1973) സ്പാനിഷ് രാജ്യക്കാരനായ ഒരു ചിത്രകാരനും ശില്പിയും ആയിരുന്നു. 20-ആം നൂറ്റാണ്ടിലെ ഏറ്റവും മഹാന്മാരായ ചിത്രകാരില് ഒരാളായി അദ്ദേഹത്തെ കരുതുന്നു. അദ്ദേഹത്തിന്റെ പൂര്ണ്ണ നാമം പാബ്ലോ ഡിയെഗോ ഹോസെ ഫ്രാന്സിസ്കോ ദ് പോള യുവാന് നെപോമുസെനോ മരിയ ദെ ലോ റെമിദോ സിപ്രിയാനോ ദെ ലാ സാന്റിസിമ ട്രിനിടാഡ് ക്ലിറ്റോ റൂയി യ് പിക്കാസോ എന്നായിരുന്നു. ക്യൂബിസത്തിന്റെ ഉപജ്ഞാതാവ് എന്ന നിലയില് പ്രശസ്തനായിരുന്നു പിക്കാസോ. ഒരു കലാകാരന് വസ്തുക്കളെ വിഘടിപ്പിക്കുകയും പിന്നീട് അവയെ അമൂര്ത്തമായ രീതിയില് പുനര്യോജിപ്പിക്കുകയും ചെയ്യുന്ന ചിത്രകലാശൈലിയാണ് ക്യൂബിസം. പിക്കാസോ 13,500 ചിത്രങ്ങളും 100,000 പ്രിന്റുകളും (ലോഹത്തില് കൊത്തിയുണ്ടാക്കുന്നവ - എന്ഗ്രേവിംഗ്സ്), പുസ്തകങ്ങള്ക്കായി ഉള്ള 34,000 ചിത്രങ്ങളും 300 ശില്പങ്ങളും രചിച്ചിട്ടുണ്ട് എന്ന് വിശ്വസിക്കപ്പെടുന്നു.
നന്നേ ചെറുപ്പത്തിലേ തന്നെ പിക്കാസോ ചിത്രങ്ങള് വരച്ചിരുന്നു. അദ്ദേഹം ഉച്ചരിച്ച ആദ്യത്തെ വാക്കുതന്നെ പെന്സില് എന്ന് അര്ത്ഥം വരുന്ന ലാപിസ് എന്ന സ്പാനിഷ് വാക്കായിരുന്നു.[അവലംബം ചേര്ക്കേണ്ടതുണ്ട്]
പാരീസിലെ പ്രശസ്തമായ ലൂവ്ര് കാഴ്ചബംഗ്ലാവില് തന്റെ ചിത്ര പ്രദര്ശനം നടത്തുമ്പോള് 90 വയസ്സായിരുന്നു പിക്കാസോയുടെ പ്രായം. ജീവിച്ചിരിക്കവേ ലൂവ്രില് ചിത്ര പ്രദര്ശനം നടത്തിയ ആദ്യത്തെ കലാകാരനായിരുന്നു പിക്കാസോ.
പിക്കാസോയ്ക്ക് മൂന്നു സ്ത്രീകളില് നിന്നായി നാലു കുട്ടികള് ഉണ്ടായിരുന്നു.