ഇടനീര്‍ മഠം
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തിലെ കാസര്‍ഗോഡ് ജില്ലയിലെ പ്രശസ്ത്മായ സാംസ്കാരിക കേന്ദ്രമാണ് ഇടനീര്‍ മഠം. കാസര്‍ഗോഡ് ജില്ലാ ആസ്ഥാനത്തിനു 10 കിലോമീറ്റര്‍ വടക്കു കിഴക്കായി ആണ് ഇടനീര്‍ മഠം സ്ഥിതിചെയ്യുന്നത്. ശങ്കരാചാര്യ സമ്പ്രദായമാണ് ഈ മഠം പിന്തുടരുന്നത്. ഇന്ന് ഒരു പ്രശസ്തമായ കലാ സാംസ്കാരിക കേന്ദ്രമാണ് ഈ മഠം. ഇടനീരിലെ സ്വാമിജിസ് ഹൈസ്കൂള്‍ നടത്തുന്നത് ഇടനീര്‍ മഠം ആണ്
[തിരുത്തുക] ചരിത്രം
വടക്കേ മഠം സ്വാമിയാര്‍ എന്ന സ്വാമികള്‍ക്ക് തൃച്ചമ്പ്രം പടിഞ്ഞാറേ മഠത്തില്‍ താമസിക്കുന്ന കാലത്ത് കാശിയില്‍ പോകാന്‍ ആഗ്രഹമുണ്ടായി. കാസര്‍ഗോഡ് വഴി സഞ്ചരിക്കാന്‍ തീരുമാനിച്ച അദ്ദേഹത്തെ ഇടനീരുള്ള ഒരു പാല്‍ക്കാരന്റെ കുടുംബം ചാതുര്‍മാസ്യ സമയത്ത് വിഷ്ണുമംഗലത്ത് ക്ഷേത്രത്തില്‍ താമസിക്കുവാന്‍ ക്ഷണിച്ചു. ചാതുര്‍മാസ്യത്തിനു ശേഷം കാശിയിലേക്ക് സഞ്ചരിക്കാന്‍ ഒരുങ്ങിയ അദ്ദേഹത്തെ പാല്‍ക്കാരനും ശാന്തിക്കാരുടെ കുടുംബവും സ്ഥിരമായി ഇവിടെ താമസിക്കുവാന്‍ നിര്‍ബന്ധിച്ചു. പാല്‍ക്കാരുടെ കുടുംബങ്ങള്‍ അദ്ദേഹത്തിനു കുറച്ച് സ്ഥലം ദാനമായി നല്‍കി. ശാന്തിക്കാരന്‍ എല്ലാ സഹായങ്ങളും വാഗ്ദാനം ചെയ്തു. ശാന്തിക്കാരന്റെ ഒരു കുടുംബാംഗത്തിന് സ്വാമികളുടെ സഹായത്തോടെ സന്യാസം സിദ്ധിച്ചു. ഇങ്ങനെയാണ് ഇടനീര്‍ മഠം രൂപം കൊണ്ടത്.
[തിരുത്തുക] അവലംബം
 |
കേരളത്തിലെ സ്ഥലങ്ങളുമായി ബന്ധപ്പെട്ടുള്ള ഈ ലേഖനം അപൂര്‍ണ്ണമാണ്‌. ഇതു പൂര്‍ത്തിയാക്കാന്‍ സഹായിക്കുക. |
