Нови Сад

Од Википедија, слободна енциклопедија

Нови Сад
Нови Сад
(Грб на градот)
Мото: Град по мера на граѓаните
Општи информациии
Скратеница	НС
Локација	Јужна Бачка, Војводина, Србија
Географска должина и ширина	45°20′0″N, 19°51′0″E
Површина	129,4 km²(со околината 702,7 km²)
Население	255.071 (со околината 333.895) (2005)
Густина на населеност	1.971/km²
Поштенски број / Повикувачки број	21000 / 021
Официјален сајт на градот
Политика
Ден на градот	1 февруари 1748.
Градоначалник	Маја Гојковиќ, (СРС)
Собрание	коалиција СРС, ДСС и СПС
Местоположба во Србија

Нови Сад (срп. Нови Сад/Novi Sad, унг. Újvidék, словач. Nový Sad, гер. Neusatz (an der Donau), лат. Neoplanta), е главен град на северната српска провинција Војводина и административен центар на Јужно Бачкиот Округ. Нови Сад е поврзан со предградијата Сремска Каменица и Петроварадин, кои заедно со 13 други населени места (меѓу кои, Футог, Ветерник, Лединци и Буковац) се дел од новосадската општина.

Нови Сад е втор по големина град во Србија, по Белград. На најновиот попис од 2002, градот има урбано население од 216.583, додека населението на општината е 299.294. Градот се наоѓа на границата помеѓу регионите Бачка и Срем, на брегот на реката Дунав и каналот Дунав-Тиса-Дунав, притоа гледајќи на северните падини на планината Фрушка Гора. Надморската височина на рамничарскиот дел на градот е од 72 до 80 метри, а градот се наоѓа помеѓу 1.252 и 1.262 километар од течението на Дунав.

Уште од формирањето 1694, Нови Сад е центар на српската култура и го добил прекарот Српска Атина. Денес, Нови Сад е голем индустриски и финансиски центар на српската економија; а исто така е еден од најголемите градежни локации во регионот.

Етничкиот состав на населението е следниот: Срби (75,50%), Унгарци (5,24%), Југословени (3,17%), Словаци (2,41%), Хрвати (2,09%), Црногорци (1,68%) и останати.