Zèlver
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
| Zèlver Argentum |
|
| Symbool | Ag |
| Indeiling | euverganksmetaal |
| Elementnómmer | 47 |
| Natuurleke isotope | 107, 109 |
| Kunsmaoteg isotope | 105,106, 108, 111 |
| Atoomgewiech standaardisotoop | 107,868 |
| Smeltpunt | 1234,93 K, 961,78 °C |
| Kookpunt | 2435 K, 2162 °C |
Zèlver (zilver) is e sjemisch elemint. 't Is 'n edel euvergaanksmetaol mèt 'n helder zèlverwitte kläör. Door ziene sjien, zien edelheid en zien sjeersde (0,079 ppm in d'n eerdkoors) is 't e gewèld en deur metaol. Zèlver trif me gewuunlik in mineraole aon, meh dèks ouch in zuver staot.
Zèlver vint zien touwpassing es seermetaol in munte, bijous en taofelcouvert, ummer gelegeerd mèt koper. Door de hendege touwnaome vaan de bevolking en 't verlaote vaan de metaole standaard is 't gebruuk vaan zèlver veur munte tot in de marsj trökgedrónge (veural gelegeheidsmunte vaan hoeg wierdes weure geslaoge). Industrieel touwpassinge vint 't in de analoog fotografie (en ouch de digitaal, es me foto's wèlt aofdrökke) en bij de productie vaan spegele. Zèlveramalgaam, 'n legering vaan zèlver en kwik die eve bove kamertemperatuur smèlt, woort vreuger väöl veur tandvöllinge gebruuk. 't Kump ouch veur in goudlegeringe; de meiste gouwe bijous gebruke groete kwantiteite zèlver, woedoor 't goud liechgeel vaan kleur weurt.
Zèlver heet twie natuurleke isotope, Ag-107 en Ag-109, die allebei prommenint aonwezig zien: Ag-107 nump 51,839% veur zien rekening en Ag-109 de euverege 48,161%. In de natuur koume ze altied doorein veur. Zèlver is 'nen oetstekende geleier vaan elektriciteit, beter es koper.
 |
De kans Wikipedia helpe door 't aan te völle |
