Sjef Hutschemakers
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Sjef Hutschemakers (Tebannet, 22 mei 1931) ies 'ne Nederlandse, (Limburgse) kunsjilder. Hae woont in Sint Gietere. Opleiding: Sjtadsacademie veur toegepaste kunste en Jan van Eyckacademie in Mestreech. Ein van de rae, dat Hutsch, zoa wie 'r veur 't gemaak geneump weurt, ies goon sjildere, ies 't óngeluk dat 'm euverkaom in 1944 wie 'r aan 't sjpele waor mèt 'n Amerikaans projectiel. Es dat óntplof mies 'r drie vingersj aan zien linkerhand. Hae ies d'r van euvertuug dat 'r zónder diet veurval boer zou zin gewore, umdat hae de sjtoerste en ieverigste van 't gezin waor.
De sjilder veult ziech hièl betrokke bie zien umgeving. 't Land, de miensj en de kèrk zin de inspiratiebrónne veur zien werk. Die betrokkenheid uut ziech ouch door zien activiteite in 't gemeinsjapslaeve in zien woonplaats en geboortedörp. Hae maak óntwerpe veur de carnavalsoptochte. Hölp, same mit Rob Brouwers, bie de burchfièste in Noorbaek. Same mit Stan Spauwen en Rob Brouwers ies 'r actief bie 't wagesjpel Die Cluten.
Veur häöm zint de brónk, sjöttersfiès en carnaval belangrieke evenemente.
Inhawd |
[bewirk] Werk
Hae maak etse, collages, tempera-sjilderieë en teikeninge. In diverse kèrke in Zuud Limburg bevinge ziech sjilderinge van Hutschemakers. In de Lambertuskèrk in Maer moersjilderinge en in de Gerlachuskèrk van Tebannet moer- en plafónsjilderinge en de kruuswaeg; in de kèrk van Sint Pieter in Mestreech kruuswaegsjtasies en in de Lambertus van Oarsjbaek glaas-in-loadvènstere. Zien bèste werk ies, nao eige zègke, 't sjilderie de aardappelrooiers oet 1980.
[bewirk] Sjtiel
Zien sjtiel ies aards. Hae sjildert mèt tempera-verf, die hae zelf maak, in werm, aardse kleure. De kleur ies verwant aan 't boereland van de umgeving. De collages en sjilderieë zint figuratief, expressief en versjtaonbaar. Umdat hae op aandringe van zien mam ouch religieus werk ies gaon make, sjilderde hae in de kèrk van zien geboorteplaats in de levelingskleure van häör: blauw en lila.
[bewirk] Tentoansjtèllinge
- Diverse in binne- en boeteland o.a. in Heerle, Solingen en Fürth in (Duutsjland), Valkeberg, Amsterdam, Elburg, Breda enz.
- 2006 Euverziechsexpositie in de Piramide in Gulpe
[bewirk] Óndersjeiing
- 1993: In diet jaor krieg hae de pauselike óndersjeiing oet de heng van deike Haffmans: de Pro Ecclesia
