Oeësjbik

Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Oeësjbiks, as te dit dialek sjpriks.

De kèrk van Oeësjbik mèt sjpeklaoge

Oeësjbik (Nederlands: Oirsbeek) ies 'n dörp in de gemeinte Sjènne in Nederlands Limburg. Buurtsjappe zint: Grach, Oppeven en Kleen Doonder. Tot 1982 waor 't 'n zelfsjtendige gemeinte. In Oarsjbaek wone 4000 luuj. De naam kump van de baek de Oir of Oëre, die door 'n buus sjtruimp via Sjènne en Sjpawbik riechting de Gelaenbaek.

[bewirk] Historie

Oarsjbaek besjtóng vreuger oet drie kerne: Grach, Oarsjbaek en Oppeven. Waarsjienlik al bewoond in de Romeinse tied.

De Katholieke kèrk is in diverse periodes geboewd. Opvallend zint de sjpeklaoge van mergelsjtein tösje de baksjtein. De belangsriekste boewsjtiele datere oet de 16e en 20e ièw. De tore ies oet 1514 (geboewd op nóg ouwer deile). 't Groatste gedeilte van 't geboew sjtamp oet 1953 ter vervanging van 'n watersjtaatskèrk oet 1830. De tore haet 'ne paervörmige sjpiets oet de 18e ièw. In de nuujste gedeiltes, door architect Fritz Peutz, zint de sjpeklaoge wir toegepas. 'ne Örgel sjtamp oet 1828. In de vènstere ziet glaas-in-load.
Aan 'ne holle waeg liek 'n koepelvörmige kapel in de vörm van 'n grot, geboewd van Valkebergse mergel. Ze ies gesjtiech in 1946 oet dankbaarheid dat Oeësjbik de Twiède waereldoorlog good ies doorgekómme. De sjtein zint toen mèt kar en paerd verveurd vanoet Valkeberg. Ze ies gewiejd aan Maria van Fatima. In de Mariamaonde mei en oktober weurt hie reigelmaotig de roazekrans gebaejd.
De Janssen-windmeule, type beltmeule oet 1879.
De Sjepebank, woa ièrtieds inkel jaore rech woort gesjproke, haet innige tied gedeend es gemeintehoes van Oarsjbaek en nao de herindeiling van de gemeintes in 1982 es gemeintehoes van Sjènne. Gerestaureerd in 1977.
In de Raadhuisstraat sjteit 'n pöthuuske. 't Ies neet zeker of 't hie um 'ne echte waterpöt geit.

Gemeinte Sjènne
Dörper: Awstroa \| Doonder \| Oeësjbik \| Pöt \| Sjènne \| Zjweikese
Buurtsjappe en gehuchte: Grach (Sjènne) \| G'n Hèk \| G'n Heisterbrök \| Hómmert \| Groeët Doonder \| Kleen Doonder \| Oppeven \| Nagelbek \| Töl \| Woufhage