Romeinse tied
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
 |
Tot daen tied kan d'n inhaud van 't artikel veurnaam informatie misse of nog neet good in zie verbandj ligke. |
Zuug ouch Romeins Riek.
Mèt Romeinse tied (in Limburg), weurt de tied bedoeld woa-in de Romeine vanoet Roame ziech vanaaf 't jaor 50 tot ca 400 nao Christus ziech gevestig höbbe in Nederlands Limburg en Belsj Limburg. Op väöl plaatse zint door opgravinge reste gevónge van Romeinse waeg bv de waeg van Boulogne sur Mer nao Kölle (mèt de moderne naam: Via Belgica), ein baan noord-zuud nao Nijmege (Noviomagus) en 'n derde verbinging nao Aoke (Aquis Granni) en Trier (Augusta Treverorum). Daoneve nog 'n aantal secundair verbindinge. In de buurt van die waeg zint reste gevónge van ganse nederzèttinge, Romeinse villa's, boerderieje, tempels, hoezer en begraafplaatse. Ouch Romeinse therme en aardewerk-bakoves zint gevónge in Coriovallum (Heerle). 't Aardewerk dat hie gemaak woort neump J.J.M. Timmers Belzje waar. [1] In Mestreech loog in daen tied 'ne belangrieke Maaseuvergank (brök) in de waeg dae van Boulogne-sur-mer, via Tóngere nao Kölle leep.
[bewirk] Archeologische vóndste
- In Mestreech, Mosa trajectum: 'n badhoes, reste van 'n houte brök
- In Lemiers, villa mèt klein badhoes
- In Meersje op de Herkenberg: 'ne villa en 'n sjtök waeg
- In Houtem: 'n sjtök waeg in Vroenhof; hoezer, villa, tempel, graver
- In Sjtraobaek: graver
- In Brokem: graver
- In Haasdal en in de Ravesbösj tempel, villa's, op de 'Billich: villa, hoezer
- In Kunder: villa (Ten Hove)
- In Bóches (Vlengeder: groate villa mèt oonverwermde zaomer en verwermde weentervläögel
- In Heële Coriovallum: therme, bakoves
- In Voere: villa op de plaats van de (Sjteebusjkapel)
- In Oud-Gelaen: sarcofaag (gevónge 1862, in depot Bonnefantemuseum (Mestreech)
- In Zumpelveld: sarcofaag
- In Gulpe, bie kesjtièl Neubourg tempel
[bewirk] Referentie
- ↑ Oude schoonheid in Limburg, blz. 13, J.J.M. Timmers, gein ISBN, gein jaortal (nao 1960), oetgaaf van nv Leiter-Nypels
