Atheïsme
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Mèt Atheïsme bedoelt me 't oongeläöf es filosofische groondslaag. Neet ederein dee neet in God (of 'ne god) geluif kin atheïst geneump weure. Eine, dee ziech mèt religieus zake neet bezeghèlt, of veur ziechzelf erkint gein meining te höbbe, neump me 'nen agnost. 't Atheïsme is fundamenteel get aanders, namelek e filisofisch systeem dat geine god erkint. In brei zin is 't Boeddhisme ouch 'ne vörm vaan atheïsme, umtot dees religie geine god heet. Evels weurt mèt de term atheïst meistal verweze nao eine, dee alle religie verwörp.
't Atheïsme is in de late negetiende iew en in de twintegste iew door versjèllende filosofe gepropageerd. De veurnaomste daovaan zien Friedrich Nietzsche, Karl Marx en Jean Paul Sartre.
